Z E P H A N I A H.

ယွၩအဆၧစ့ၩရၫ့အမုနံၩ.

^၁  ယဟိဝၩအလူလၧအလၩ့ဘၪစဇ့ၭဖနဲအၫ, စကု ၡဲၫအဖိၪခွၫ,စဂ့ၭဒလဲအၫအဖိၪခွၫ, စအၫမရဲအၫအဖိၪ ခွၫ,စဟ့ၭဇခဲအၫအဖိၪခွၫ, လၧယုဒၫအစဎွၩအၫမၧၫ့ အဖိၪခွၫ, စယိၫစဲအၫအမုနံၩလဖၪအဖၧၩ့နီၪ; ^၂ ယမိ မၩလူၬခွံၬကယဲဆၧအီၪ လၧထံၫၥံၪခးၥံၪအဖၧၩ့ယဟိ ဝၩစံၭဝ့ၪဒၪ. ^၃ ယမိမၩလူၬခွံၬၦၡၩဒဲဆၧဖိၪဆၧဎါ,ယ မိမၩလူၬခွံၬထိၪၥံၪလံၪၥံၪလၧမူၭဖိၭဖၫ့, ဒဲဒ့ၪၥံၪယၪ ၥံၪလၧမၫဆမံၭအဖၧၩ့, ဒဲခၪ့ဘၪထၧၩ့အလးနီၪ, ဒဲၦ လတီၩလလီၩ့ဘၪတၭ, ယမိဒၪ့ထ့ၬခွံၬၦၡၩလၧထံၫ ၥံၪခးၥံၪအဖၧၩ့နီၪ, ယဟိဝၩစံၭဝ့ၫဒၪ. ^၄ ယမိယၩ့ထၪ့ ယစူၪထၫ့ဒၩယုဒၫဒဲကယဲၦယရုစလံၫ့ဖိၪတၭ, ယမိဒၪ့ ထ့ၬခွံၬဆၧအီၪလၩ့ထးဘၪဆဲၫ့ လၧဘၫအလၭလၧအ လးထီးယီၩ,ဆၧဂၩ့အၡၩလုဆၧအမံၩ့, ဒဲၦလုဆၧအ ဂူၫဂၩ. ^၅ ဒဲၦလၧအဘၩထၪ့မူၭခိၪ အဆၧၥုၭမုခမျၧး လၧဂံၪ့ခိၪ, ဒဲၦလၧအဘၩထၪ့ဆၧဒဲဆိၪလၩ့အၥၭလၧ ယဟိဝၩအမ့ၬယၫ, ဒဲၦလၧအဆိၪလၩ့အၥၭ လၧအ ဆၧဂၩ့မိလီၭအမ့ၬယၫ, ^၆ ဒဲၦလၧအကၠၪခွံၬအၥၭလၧ ယဟိဝၩ,ဒဲလအၪ့ဎၬဘၪယူၭယဟိဝၩတၭ, အၪ့စၪ့ ဘၪယူၭအဝ့ၫနီၪဆ့အ့ၬ.

^၇ အီၪလၩ့မါပံၭလၧကဆါယဟိဝၩအမ့ၬယၫဆံၭ. အဂဲးဘဲၫယီၩ ယဟိဝၩအမုလနံၩအီၪဘူၭထၪ့ယူၭ; အဂဲးဘဲၫယီၩ ယဟိဝၩတဲၩ့ဝဲၩဆၧလုတၭ, အီၪက့ၪ ဆံၫ့ဎံၪယူၭၦလၧအကိၭဝ့ၫယူၭ. ^၈ လၧယဟိဝၩအဆၧ လုအမုလနံၩနီၪ ဆၧမိမၩအၥၭလၧယမိစ့ၩရၫ့စၪၦအ ခိၪ,ဒဲစဎွၩအဖိၪအလံၩ, ဒဲကယဲၦလၧအကီၩ့ထၪ့ၥိၭ ထၪ့ၦလခီၫဘၩ့မုးဖိၪအကီၩ့အၥိၭလီၫ. ^၉ ဆၧလၧမုလ နံၩနီၪ ယမိစ့ၩရၫ့စၪကယဲၦလၧအဖုၫဖၬတရၫ့ခၧၪ့, ၦ လၧအမၩဎွ့ၩအကဆါအဂံၪ့ၥံၪ, ဒဲဆၧမၩန့ဆီၪ့ဒဲဆၧ အၪ့လီၫဆၧလီၫ. ^၁၀ ယဟိဝၩစံၭဝ့ၫဒၪ, ဆၧလၧမုလနံၩ နီၪဆၧမိမၩအၥၭ လၧဆၧကိၭၡၭထၪ့ မိၥီၫထၪ့လၧ တရၫ့ယၪ, ဒဲဆၧမိဂၪ့ကိၭၡၭ လၧဆၧနံၫမံၩ့လမံၩ့နီၪ တၭ,ဆၧလၩ့ဎီးဖၭဒိၪမိၥီၫထၪ့ လၧဆၧစီၩ့ခိၪလဖၪနီၪ လီၫ. ^၁၁ ၦအီၪဝ့ၫလၧမၭကတ့ၭၥံၪဧ့, အိၩ့ယိၩ့ထၪ့ဆံၭ; အဂဲးဘဲၫယီၩ ၦကၫနအၫ့ဖိၪဘၪဆၧမၩဂၭဂီၩ့ခွံၬဝ့ၫ ထီးအလူၬ, ကယဲၦလၧအဆိၬစ့ၩ ဘၪဆၧဒၪ့ထ့ၬခွံၬ ထီးအလူၬလီၫ. ^၁၂ အဆၧၫ့အထီထီးနီၪယမိအၪ့ဎၬဆၧ လၧယရုစလံၫ့အဖၧၩ့လၧမ့ၪဒိၩ့, ဒဲစ့ၩရၫ့စၪၦလၧအ အီၪဒၪအဆၧ လၧအစံၭလၧအၥၭခံဖၧၩ့, ဆၧအဂ့ၩမွဲ ဂ့ၩ,ဆၧအအၧၩ့မွဲဂ့ၩ, ယဟိဝၩမၩဝ့ၫအ့ၬ. ^၁၃ မၩအၥၭ ဘဲၫနီၪတၭ, အဝ့ၫၥံၪအဆၧဖိၪဆၧလံၩမိကဲၪထၪ့ဆၧ အၪ့ဂူၬဆီၪ့, ဒဲအဂံၪ့လဖၪနီၪ မိကဲၪထၪ့ဆၧအီၪယူဝ့ၫ လီၫ.အဝ့ၫၥံၪမိၥုၪ့ဘၪဂံၪ့လါနၫ့တၭ, အီၪဘၪဝ့ၫလၧ အဖၧၩ့အ့ၬ; မိၥုၪ့စဘံၭအမုလါနၫ့တၭ, အီၩဘၪစဘံၭ ထံၫအ့ၬ.

^၁၄ ယဟိဝၩအမုနံၩဖၭဒိၪလနံၩ အီၪဘူၭထၪ့ယူၭတၭ, ဂဲၫဝ့ၫချဲၫ့ချဲၫ့လီၫ. ယဟိဝၩအမုလနံၩ အၥီၫတၭ, ၦ အဆီၪ့ကိၭၡၭထၪ့နၭနၭလ့ၬလီၫ. ^၁၅ ဆၧလၧမုလနံၩနီၪ မွဲဆၧၥၭခဲၩထၪ့အမုလနံၩ, ဆၧခိဆၧဝီၩ,ဒဲဆၧဘၪၡၪ့ ဘၪနၭအမုလနံၩ, ဆၧအီၪယူဒဲဆၧလၩ့ၡၪအမုလနံၩ, ဆၧခံၭဒဲဆၧအုၭဎုၬအမုလနံၩ, ဆၧအုၪ့ဒဲဆၧခံၭၥၧၫ့ အမုလနံၩ, ^၁၆ ခွ့ၩအၥီၫဒဲဆၧကိၭၡၭထၪ့အမုလနံၩထၫ့ ဒၩဒိၩ့အီၪလၧအခိၪဒၧၩ့, ဒဲတၨၭထီၫလီၫ. ^၁၇ ယမိဒုၭ ဘၪဆၧခိဆၧဝီၩ လၧၦၡၩအလီၩ့တၭ, မိလ့ၩဆၧဘဲၫ ၦမ့ၬဘျီၪအၥိၭနီၪလီၫ. မွဲအမၩမၪဘၪယဟိဝၩတၭ, ဆၧမိဂါလၩ့အၥွံၪ ဘဲၫဂၪ့ခိၪအမုၬအၥိၭနီၪတၭ, အ ယၪမိမၩအၥၭဘဲၫဆၧအ့ၪအၥိၭနီၪလီၫ. ^၁၈ လၧယဟိ ဝၩအၥၭခဲၩထၪ့အမုလနံၩနီၪအစ့ၩမွဲဂ့ၩ, အထီၫ့မွဲဂ့ၩ မၩဖီၩ့မၩဖျ့ၭ အဝ့ၫၥံၪၥ့ၪအ့ၬ. အၥၭကဲၪ့အမ့ၪနီၪ မိ အၪ့ခွံၬထံၫၥံၪခးၥံၪထၧၫ့ဘံၪ့ယၫလီၫ. အဂဲးဘဲၫယီၩ မိမၩလူၬခွံၬ ကယဲၦလၧအအီၪလၧအခးဖၧၩ့ ထီးအ လူၬလီၫ.