SONG OF SOLOMON.

^၁  ထၭခိၪလဖၪအထၭခိၪ, လၧအမွဲစစီလမၧၫ့အထၭ ခိၪလီၫ.

ထၭခိၪအခၪ့ထံၭလယွ့.

^၂ မွဲအအဲၪဂါယၧၩ လၧအနိၭ အဆၧအဲၪဂါလဖၪနီၪ ဘီၪ; အဂဲးဘဲၫယီၩ နဆၧအဲၪနီၪဂ့ၩနဲၪ့ဒံၭစဘံၭထံၫ လီၫ. ^၃ မွဲလၧနၥိၪၥံၪအနၧၫ့မၧၫ့အကၠီၩ့နီၪ, နမံၩ့မၩအ ၥၭဘဲၫၥိၪနၧၫ့မၧၫ့လူၫလၩ့အၥၭအၥိၭ, အခိးမွဲၦမုၪနၩ့ ၥံၪအဲၪနၧၩလီၫ. ^၄ ထုၭယၧၩဘီၪ; တၭပမိစဲၪ့ဖိၬနခဲၫ့ လီၫ.စဎွၩဂဲၫၥိၫ့နုၬယၧၩ လၧအဒူၭဖၧၩ့တၭ; ပမိမုၬ လၩပၥၭဒဲၥုၪ့ထိၬၥၭထိၬလၧနဖၧၩ့နီၪ, ပမိနၪ့ထၪ့နဆၧ အဲၪအၪနဲၪ့ဒံၭစဘံၭထံၫတၭ; ၦလဖၪအဲၪနၧၩတီၩတီၩ လီၫ.

^၅ ယရုစလံၫ့အဖိၪမုၪၥံၪဧ့, ယၥၧၫ့လါနၫ့တၭ,ယဎံၫ ယလၩလီၫ. ဘဲၫကံဒၧၫအတဲၩလဖၪအၥိၭ, ဘဲၫစစီ လမၧၫ့အကလကၫအၥိၭနီၪလီၫ. ^၆ လၧယၥၧၫ့အကၠီၩ့, ဒဲလၧမုယိယၧၩအကၠီၩ့နီၪ, ထီးယိယၧၩလဂ့ၩ; ယမိ အဖိၪခွၫၥံၪမ့ၬလဲၩၥၭဂဲၫ့ယၧၩ; အဝ့ၫၥံၪအီၪက့ၪယၧၩ လၧၦခိၭစဘံၭအလးလဖၪ အ့ၪမွဲယစဘံၭလးဒၪယ ဝ့ၫနီၪ, ယခိၭဘၪအ့ၬ. ^၇ ၦလၧယၥၭအဲၪယဝ့ၫ, နဝ့ၫ လဂၩဧ့,နအၪ့ဆၧခီၫခီၫလဲၪနီၪ, ထံၫလၧနဒုၭအီၪပွံၭ နၥိၪလဒီၪ့ လၧမုထုၪ့အခၫ အီၪခီၫခီၫလဲၪနီၪ, လီၩဘၪ ယၧၩနးထံၪဘီၪ. ယမိမၩယၥၭ ဘဲၫၦချုၬဘံၭအမ့ၬ လၧနၥိၪအဒီၪ့လဖၪအကျၩနီၪ, မွဲအဂဲးဘဲၫၥ့ၪလဲၪ.

^၈ နဝ့ၫဒၪၦမုၪအခံးအဂၩ့ဂ့ၩထုၬလဂၩဧ့, နအ့ၪလၥ့ၪ ယၫဘၪတၭ; လ့ၩထၪ့ဖိၬနဖၧၩ့ၥၭလၧၥိၪ ဒဲဘ့ၪအဒီၪ့ အခၪ့လးလဖၪ, ဒဲဒုၭအၪ့နဘ့ၪဖိၪၥံၪလၧၦယူၬၥိၪၥံၪ အတဲၩအနဲၩ့ထံၭဘီၪ.

^၉ ယၥၭဘီၩ့လဂၩဧ့,ယဒီၩ့လၩ့နၧၩ, ဘဲၫကၥ့ၪလဒီၪ့ လၧဖၫရိၫအလဲၪ့ၥုၭဖၧၩ့အၥိၭနီၪလီၫ. ^၁၀ နနိၭဖၩထံၭ ၥံၪဎံၫလၩဝ့ၫလၧဆၧကယၧၫ့ၥံၪ, နခိၬအီၪလၧၥွ့ၫထီၫ့ ၥံၪ; ^၁၁ ပမိမၩထၪ့ၥွ့ၫထီၫ့ၥံၪဒဲစ့ၩအကယၧၫ့ၥံၪလၧနဂး လီၫ.

^၁၂ လၧစဎွၩအီၪလၧစပွဲထံၭအဘိၩ့ဘၭနီၪ, ယၥိၪနၧၫ့ မၧၫ့နၫဒူၫနီၪနၧၫ့မၧၫ့ဒၪဆၧလီၫ. ^၁၃ ယၥၭဘီၩ့လဂၩအီၪ လၧယဂးဘဲၫမူၫရၫ့လဘီၪ့အၥိၭနီၪတၭ; မိအီၪဝ့ၫလၧ ယနူၥံၪအဘိၩ့ဆၧၩ့ၥၩ့နၩချီၩ့လီၫ. ^၁၄ ၦလၧယအဲၪဝ့ၫ လဂၩမၩအၥၭဘဲၫၥံၪ့ဝီၩစူၪမံၪအဖီၫလမုၫအၥိၭ, လၧ အအီၪလၧအံၪ့ဂဒဲၫအစဘံၭလးဖၧၩ့နီၪလီၫ.

^၁၅ ယိခွါ, ယၥၭဘီၩ့လဂၩဧ့, နဎံၫနလၩတၭ, ယိခွါ, နဎံၫနလၩနီၪ; နအီၪလၧထိၪလွံအမ့ၬၥၪၥံၪလီၫ.

^၁၆ ယိခွါ, ၦလယအဲၪဝ့ၫလဂၩဧ့,မွဲမၬ, နခံးဘၪနဂၩ့ ဂ့ၩ; ပလးမံၫယ့ၫဆ့လီၫ. ^၁၇ ပဂံၪ့အချီၩ့လဖၪမွဲၥံၪ့ၡိၫ အ့ရ့ၭ,ဒဲထီၩ့ခိၪၥံၪမွဲၥံၪ့ၡိၫလီၫ.