PROVERBS.

ဆၧချဲၩ့ဒီၩ့လၩ့လဖၪ

အလူအဎွ့ၩ.

^၁ အံၫစရ့လၭအစဎွၩ စဒၫဝံၭအဖိၪခွၫ စစီလမၧၫ့အ ဆၧချဲၩ့ဒီၩ့လၩ့ၥံၪ; ^၂ ဘဲၫၥိၭၦမိၥ့ၪယၫ ဆၧကိၪ့ဘၪ ကိၪ့ၥ့ၪ, ဒဲဆၧၥီၪ့လိၪအဂဲးအကၠီၪ့, ဘဲၫၥိၭအနၪမိၥ့ၪ ၦၥုၪ့ဆၭၥၭဆၭ အဆၧချဲၩ့လဖၪ; ^၃ ဘဲၫၥိၭအမိထိး ဆၧၫ့ ဆၧကိၪ့ဘၪကိၪ့ၥ့ၪ ဆၧတီၩဆၧလီၩ့, ဆၧစ့ၩရၫ့ တီၩ ဒဲဆၧလယိဒိၪဆံၭအၪၡၩဘၪ အဆၧၥီၪ့ဆၧၥၫ့ တၭ; ^၄ ဘဲၫၥိၭအမိဒုၭကိၪ့ ၦလၧအလမၩလိၪဘၪဆၧ, ဒဲဖ့ၪလၫ့ဆၧၥ့ၪယၫ ဒဲဆၧထီးလၩ့အၥၭ လၧၦၥၭဘၪ့ ၥံၪနီၪလီၫ. ^၅ ၦကိၪ့ဆၧၥ့ၪလဖၪမိခိၭနၪ, ဒဲအဆၧၥ့ၪ ယၫနီၪမိအၪထၪ့ဝ့ၫတၭ, ၦလၧအၥုၪ့ဆၭအၥၭဆၭမိ န့ဘၪဆၧၥိၫ့ဝ့ၫနီၪ; ^၆ ဘဲၫၥိၭအနၪမိၥ့ၪဆၧချဲၩ့ဒီၩ့လၩ့ ဒဲဆၧချဲၩ့အဒိၪအယိၬၥံၪ; ၦကိၪ့ၥ့ၪအဆၧချဲၩ့လဖၪဒဲ အဝ့ၫၥံၪအဆၧချဲၩ့ ၡီၩ့ၡါဆၧၥံၪနီၪလီၫ.

ဆၧဖ့ၪကိၪ့လၧၦၥၭဘၪ့ဖိၪလဖၪအဂး.

^၇ ဆၧၥၭမဲၪယဟိဝၩနီၪ, မွဲဆၧၥ့ၪယၫအခၪ့ထံၭတၭ, ဆၧကိၪ့ၥ့ၪဒဲဆၧၥီၪ့လိၪနီၪ ၦအဂီၩ့ၥံၪမၩကြၩ့ထမးဝ့ၫ လီၫ. ^၈ ယဖိၪခွၫဧ့, ခိၭနၪနဖါ အဆၧၥီၪ့ဆၧၥၫ့နီၪဆံၭ; ဒဲနမိအ၁နိၫနီၪ ထီးခွံၬၡိၭလဂ့ၩ. ^၉ အဂဲးဘဲၫယီၩအဝ့ၫ ၥံၪမိကဲၪဆၧအခိးအတၩ အကယၧၩ့လၧနခိၪဎွံၪအဂး, ဒဲၥွ့ၫဖျံၩၥံၪ လၧနခိၬအဂးနီၪလီၫ.

^၁၀ ယဖိၪခွၫဧ့, ၦဒဲၩဘၭဖိၪၥံၪအ့ၪအၪ့လွ့ၫနၧၩနီၪ, ထီး အုၩ့လၩ့လဂ့ၩ,ဧီၪ. ^၁၁ အဝ့ၫၥံၪအ့ၪစံၭ; လ့ၩဆၧလၧပ ၥိၭဘီၪ, မွဲပမိခိၭၥူၪၡီၩ့ဆၧလၧအၥွံၪအဂးဘီၪ; အလး လအီၪဘၪတၭ, မွဲပယိၥူၪဆၧလၧ ၦလၧအဆၧဒဲၩဘၭ လအီၪဘၪအဂးဘီၪ. ^၁၂ ဘဲၫဖျုဖၧၩ့အၥိၭနီၪ, မွဲပမိယု လၩ့မၧၫ့အဝ့ၫၥံၪ, ဒဲထၧၫ့ဂၩယၫ ဘဲၫၦလၧအလ့ၩလၩ့ လၧဆၧဖၧၩ့အၥိၭနီၪလီၫ. ^၁၃ ကယဲဆၧလူဒိၪဎွ့ၩဒိၪၥံၪ ပမိဒၪန့ထီးအလူၬတၭ; ပမိမၩဎွ့ၩထၪ့ပဂံၪ့ၥံၪလၧဆၧ အၪ့ဂူၬန့လဖၪနီၪလီၫ. ^၁၄ နဂးနီၪမွဲအလၩ့ဘၪလၧပကျၩ ယီၩဧီၪ. မွဲပမိအီၪလၧထိၪ့လဖျိၪ့ဎး ကိၭဂၩဒ့ၭဆံၭ.- ^၁၅ ယဖိၪခွၫဧ့, ထီးလ့ၩဖိၬဖၧၩ့ၥၭ လၧအဝ့ၫၥံၪအၥိၭလ ဂ့ၩ,ပဒၩ့နခၪ့ လၧအဝ့ၫၥံၪအဖၧၩ့ၥၭနီၪဘီၪ. ^၁၆ အဂဲးဘဲၫ ယီၩအဝ့ၫၥံၪ အခၪ့စဲၪ့တလဲးလၧဆၧအၧၩ့အဂး, ဒဲဖျဲၪ ဝ့ၫလၧအမိလူၫလၩ့ဆၧၥွံၪလီၫ. ^၁၇ အဂဲးဘဲၫယီၩ မွဲမၬ ၦဒၩလၩ့ၡၬ လၧထိၪလမံၩ့လါလါအမ့ၬယၫ ပျီၩပျီၩ လီၫ. ^၁၈ တၭအဝ့ၫၥံၪခိၭၥူၪဆၧ လၧအၥွံၪဒၪဝ့ၫအဂး,ဒဲ အယိၥူၪဆၧနီၪ လၧအနၫ့ဆါၥံၪ အၥၭမၧၫ့ဒၪဝ့ၫအဂး လီၫ. ^၁၉ ၦလၧအၥၭလိဖၭလဂၩလါလါနီၪ အဖၧၩ့ၥၭမွဲ ဘဲၫနီၪၥိၭဆ့, ဆၧနီၪမၩန့ခွံၬအကဆါအၥၭမၧၫ့လီၫ.

ဆၧကိၪ့ဘၪကိၪ့ၥ့ၪအဆၧကိၭလဖၪ

^၂၀ ဆၧကိၪ့ဘၪကိၪ့ၥ့ၪနီၪ ကိၭထၪ့ဆၧလၧခီၫ့တၭ; ဒုၭ ၥီၫထၪ့အလူ လၧဖၧၩ့ၥၭၥံၪအဖၧၩ့နီၪလီၫ. ^၂၁ ကိၭထၪ့ ဆၧလၧဆၧအီၪကီၪ့ အလးအခၪ့ထံၭ လၧတရၫ့ၥံၪဝဲ ထၪ့အၥၭအလး, လၧဒိၩ့ဖၧၩ့ဒုၭၥီၫထၪ့ အဆၧချဲၩ့လ ဖၪနီၪလီၫ. ^၂၂ တၭစံၭဝ့ၫဒၪ, ၦလၧအလမၩလိၪဘၪဆၧ ၥံၪဧ့, နၥံၪမိအဲၪဆၧလမၩလိၪဘၪ; ဒဲၦမၩကြၩ့ထမး ဆၧမုၬလၩအၥၭ လၧဆၧမၩကြၩ့ထမးအဖၧၩ့; ဒဲၦအ ဂီၩ့ၥံၪမိၥၭဂဲၫ့ဆၧၥ့ၪယၫနီၪ, မွဲဆံၭယံၬလဲၪ. ^၂၃ ကၠၪထဲၩ့ နၥံၪအၥၭ လၧယအၪ့ၥီၪ့ဆၧအကၠီၩ့နီၪဆံၭ; ယိခွါ,ယ မိလူၫလၩ့ယၥၭ လၧနၥံၪအလီၩ့တၭ, ယမိဒုၭၥ့ၪယၫ နၥံၪလၧယဆၧချဲၩ့လဖၪ နီၪလီၫ.

^၂၄ လၧယကိၭယူၭဆၧနၥံၪလခိၭနၪဘၪ; ယယူၬထၪ့ ယူၭယစူၪတၭ, ၦလယူၭယၪ့ဘၪဝ့ၫနးဂၩ; ^၂၅ ဒဲယဒုၭ ကိၪ့ဆၧလဖၪ နၥံၪခွံၬၡိၭခွံၬထီးအလူၬ, ယဆၧအၪ့ၥီၪ့ ၥံၪနီၪနၥံၪလထိးဆၧၫ့ဘၪ နးဆံၭအကၠီၩ့နီၪတၭ, ^၂၆ အခိး မွဲထီးနၥံၪအ့ၪဘၪၡၪ့ဘၪနၭနီၪ ယမိနံဆ့; ဒဲနၥံၪအ့ၪ ဘၪဆၧၥၭမဲၪၥၭဖျဲၩ့အဘိၩ့ဘၭနီၪ ယမိချဲၩ့လိနၥံၪ; ^၂၇ ထီးနၥံၪအဆၧၥၭမဲၪ အ့ၪဂဲၫဘဲၫလဖုၬအၥိၭ; ဒဲနၥံၪအ ဆၧၡၪ့ဆၧနၭဘဲၫလံၩ၁ဝံၭအၥိၭနီၪ; ထီးဆၧခိဆၧဝီၩ ဒဲဆၧဂၪ့အုၩဂၪ့ထိၬ အ့ၪလၩ့ဘၪလၧနၥံၪအလီၩ့နီၪ; ^၂၈ ထီးနီၪလဖၧၫ့ အဝ့ၫၥံၪမိကိၭထၪ့လါနၫ့ယၧၩတၭ,ယမိ ချဲၩ့ဆၧၫ့ဝ့ၫအ့ၬ; အဝ့ၫၥံၪ မိအၪ့ဎူၫအၪ့ဎၬ ဆိၫယၧၩ လါနၫ့တၭ, ဒၪဘၪယၧၩအ့ၬ. ^၂၉ အဂဲးဘဲၫယီၩ အဝ့ၫၥံၪ ၥၭဂဲၫ့မ့ၬလဲၩဆၧၥ့ၪယၫတၭ, ရွံန့ဆၧၥၭမဲၪယဟိဝၩ ဆ့အ့ၬ. ^၃၀ ယဒုၭကိၪ့ဆၧနီၪအဝ့ၫၥံၪဘၪအၥၭအ့ၬ;ဒဲမၩ ကြၩ့ထမးယဆၧအၪ့ၥီၪ့လဖၪ ထီးအလူၬဆ့; ^၃၁ အခိးမွဲ ဆၧမၩအၥၭဘဲၫနီၪတၭ, အဝ့ၫၥံၪမိဘၪအၪ့အဖၧၩ့ၥၭ ဒၪဝ့ၫအဆၧၥၪနီၪ, ဒဲဘၪလၧၫ့ထၪ့ဎွ့ၩထၪ့လၧအဆၧ ကိၪ့ဒၪဝ့ၫဆ့လီၫ. ^၃၂ အဂဲးဘဲၫယီၩ ၦလၧအလမၩလိၪ ဘၪဆၧအဆၧကၠၪခွံၬအၥၭနီၪ မိမၩၥံၫအဝ့ၫၥံၪတၭ, ၦအဂီၩ့အဆၧဒိၭနဲၩ့အၥၭနီၪ မိမၩဂၭဂီၩ့ခွံၬအဝ့ၫၥံၪ ဆ့လီၫ. ^၃၃ အ့ၪမွဲၦလၧအခိၭနၪယလူလဂၩနီၪမိအီၪဂုး ခၧၫ့လၧဆၧမုၬအဖၧၩ့, ဒဲဖီၩ့ဖျ့ၭလၧအၥၭမဲၪဆၧအၧၩ့ တၭ, အီၪပွံၭဝ့ၫဒၪ ဘဲၫနီၪလီၫ.