L A M E N T A T I O N S.

ဝံးယရုစလံၫ့အဆၧၥုၪ့အုၭၥၭအုၭ.

^၁  ဒိၩ့လၧအအီၪဎွ့ၩယူၭဝ့ၫ လၧၦၡၩခမျၧးလဖျိၪ့နီၪ ဆၧၫ့နၩ့အီၪယူဝ့ၫမၭကၨ! ၦလၧအဒိၪဝ့ၫလၧၦဆၨၩ လဖၪအကျၩနီၪကဲၪထၪ့ၦမုၪမဲၫဖီၩ! ၦလၧအမွဲၦဒိၪ အဖိၪမုၪ လၧခးအဝၩ့ၥံၪအကျၩနီၪ ကဲၪထၪ့ဝ့ၫလၧၦ ဖ့ၪလၫ့အခီၫ့မၬကၨ!

^၂ လၧမုနၩလခီၫအမ့ၬထံၫလၩ့နၭနၭလ့ၬ, အမ့ၬထံၫ အီၪဝ့ၫလၧအနိၭဖၩထံၭအလီၩ့လီၫ. လၧၦလၧအအဲၪ ဝ့ၫထီးအလူၬအကျၩနီၪ ၦမၩမုၬထၪ့ထဲၩ့အဝ့ၫ အီၪနး ဂၩအ့ၬ. အထံၩအၥိၭထီးအလူၬမၩအဝ့ၫလၧဆၧအၪ့ လီၫတၭ,ကဲၪထၪ့ဝ့ၫလၧအဒုၪအဒၩလီၫ.

^၃ ယုဒၫလ့ၩကဲၪဎီး လၧဆၧမၩၡၪ့မၩနၭအကၠီၩ့, ဒဲ လၧအမၩအဎီးအၡၩ အဆၧမၩ လၧအအၪအကၠီၩ့ လီၫ.အီၪဝ့ၫလၧၦဆၨၩလဖၪ အကျၩနီၪ, ဒၪန့ဆၧ အီၪပွံၭအ့ၬ.ၦလီၩ့ဆီး ထီးအလူၬနီၪ ချုၭန့ဝ့ၫလၧ ဆၧဆူၭဖၧၩ့လီၫ.

^၄ ဇံအိၫ့အဖၧၩ့ၥၭလဖၪ ၥုၪ့အုၭၥၭအုၭ လၧၦၡၩလ ဂဲၫဘၪလၧဆၧမၩဘိၪ့ အဆၧၫ့အထီဘၪအကၠီၩ့လီၫ. အတရၫ့ထီးအလူၬအီၪယူဝ့ၫတၭ; အၡၩလုဆၧလဖၪ ဂၪ့အုၩဂၪ့ထိၬ, အၡၩမုၪနၩ့လဖၪဘၪဆၧၡၪ့ဆၧနၭ, ဒဲအဝ့ၫဒၪဘၪဆၧခိဆၧဝီၩနၭမၬလီၫ.

^၅ ၦၡၩထၫ့ဒုၪဒၩအဝ့ၫ ကဲၪထၪ့ဆၧအခိၪအဒုၩအဒၩ ဘီၪထၪ့ယီၫထၪ့လီၫ. အဂဲးဘဲၫယီၩယဟိဝၩမၩၡၪ့ မၩနၭအဝ့ၫလၧအဆၧမၪအကၠီၩ့လီၫ. အဖိၪအလံၩ လ့ၩကဲၪဎီးလၧဆၧအဒုၪအဒၩအမ့ၬယၫလီၫ.

^၆ တၭအဎံၫအလၩ ထီးအလူၬ စဲၪ့ထၪ့ခွံၬလၧဇံအိၫ့ အဖိၪမုၪအအီၪလီၫ. အၦဒိၪဖၭဒိၪလဖၪမၩအၥၭဘဲၫ ခံၫဘၩ့ဖၫလၧအလဒၪန့ဘၪဆၧအၪ့အဆၪအလး,အ ဂဲးအဘၭလအီၪဘၪတၭ, စဲၪ့ဖျိၭလၧၦလီၩ့ဆီးဝ့ၫအ မ့ၬယၫလီၫ.

^၇ မုနံၩလဖၪလၧအဘၪဆၧၡၪ့ဆၧနၭ ဒဲဆၧခိဆၧဝီၩ နီၪ,ယရုစလံၫ့နၪ့ထၪ့ထဲၩ့ဆၧဘၪအၥၭလဖၪ လၧအ အီၪလၧမုနံၩလၧဖျိၩ့လီၫ. ထီးအၡၩခမျၧးလၩ့ဘၪ လၧဆၧအဒုၪအဒၩအစူၪဖၧၩ့တၭ, ဆၧမၩဆၧၩ့အဝ့ၫ အီၪအ့ၬ. ၦထၫ့ဒုၪဒၩဝ့ၫလဖၪဒၪဘၪဝ့ၫတၭ, ဒုၪဒွ့ၪ အဆၧလၩ့ဎီးအလးလီၫ.

^၈ ယရုစလံၫ့မၩဆၧဒဲၩဘၭအဒိၪအယိၬလီၫ. မၩအ ၥၭဘဲၫနီၪတၭ, ကဲၪထၪ့ဆၧလဆံၫ့ဘၪလီၫ. ကယဲၦ လၧအမၩလၩဖၩ့ဆၧယီၩလဖၪနီၪ လဒူၩလယၪ့ဘၪ အဝ့ၫလၧအဒၪဘၪအဆၧအီၪဘိၪ့အကၠီၩ့လီၫ. မွဲမၬ, အဝ့ၫဒၪဂၪ့အုၩဂၪ့ထိၬဝ့ၫတၭ, ထဲၩ့ကဒၩထဲၩ့ဝ့ၫ လီၫ.

^၉ အဆၧဘၪၥၭလိၪအီၪဝ့ၫ လၧအဆဲၫ့အခၪ့ထံၭလီၫ. တၭအထုၬနီၪနၪ့ထၪ့ထဲၩ့ဝ့ၫအ့ၬ. မၩအၥၭဘဲၫနီၪ တၭလၩ့ဘၪဝ့ၫ လၧဆၧလၩ့လၭဖၭဒိၪ အဖၧၩ့လီၫ. ၦမၩမုၬထၪ့ထဲၩ့အဝ့ၫအီၪအ့ၬ. ယဟိဝၩဧ့, ယိလၩ့ ယဆၧၡၪ့ဆၧနၭဆံၭ. အဂဲးဘဲၫယီၩဆၧအဒုၪအဒၩ အီၪက့ၪဒိၪအၥၭလီၫ.

^၁၀ ဆၧအဒုၪအဒၩပၠၪထၪ့အစူၪ လၧဆၧဘၪအၥၭထီး အလူၬအဖၫ့ခိၪလီၫ. အဂဲးဘဲၫယီၩ ဒၪဘၪဝ့ၫလၧၦ ဆၨၩလဖၪဂဲၫနုၬယူၭလၧအလးဆံၫ့ဎံၪ, လၧနမၪလူၬ ဝ့ၫလၧအထီးဂဲၫနုၬဘၪ လၧနဆၧအီၪကီၪ့အဖၧၩ့လ ဂ့ၩလီၫ.

^၁၁ အၡၩခမျၧးထီးအလူၬ ဂၪ့အုၩဂၪ့ထိၬ အၪ့ဎၬကိၪ လီၫ.ဖ့ၪလၫ့ဆၧဘၪအၥၭလဖၪ လၧဆၧအၪ့အဂးဘဲၫ ၥိၭအၥၭမိခၧၫ့ထၪ့လီၫ. ယဟိဝၩဧ့, ယိလၩ့, ယိထဲၩ့ ခွါထဲၩ့ဆံၭ. အဂဲးဘဲၫယီၩ ယမွဲၦအၧၩ့လီၫ.

^၁၂ ကယဲၦလၧအလဲးလီၩ့လၧဖၧၩ့ၥၭၥံၪဧ့, ဘၪဆဲၫ့လၧ နၥံၪနးမံၩ့အ့ၬဧၪ. ယိခွါ, ဆၧခိဆၧဝီၩ ဘဲၫဆၧမၩ ယၧၩ,လၧယဟိဝၩမၩၡၪ့မၩနၭယၧၩ လၧအၥၭခဲၩ ထၪ့အမုလနံၩအဖၧၩ့အၥိၭနီၪ, ဘဲၫနီၪအၥိၭမွဲအအီၪ လအီၪဘၪလဲၪနီၪ,ယိခွါဆံၭ.

^၁၃ လၧထၭလခီၫနီၪအဝ့ၫဒၪအၪ့မၧၫ့လၩ့ မ့ၪလၧယဎွံၪ ဖၧၩ့တၭ,မၩနၧၩ့မၩစၪဝ့ၫလီၫ. မွဲအဒၩလၩ့ၡၬလဘံၪ့ လၧယခၪ့အဂးတၭ, ဒုၭထဲၩ့ကဒၩထဲၩ့ယၧၩ, ဒဲဒုၭ အီၪယူယၧၩ, ဒုၭလၩ့ဆါယၥၭၥံၫ့နံၩချီၩ့လီၫ.

^၁၄ ယဆၧမၪအနိၪယိၭဘီၩ့ဘၪ ဆၧစၧၩ့ထၬဝ့ၫလၧအ စူၪ;ဖီၩ့အၥၭဂဲၫထၪ့ဝ့ၫလၧယခိၬအလီၩ့; ယဟိဝၩ မၩလၩ့ဆါယဂဲးယဘၭ ဖ့ၪလၫ့ခွံၬယၧၩလၧၦအစူၪ ဖၧၩ့တၭ,ယဂဲထုၪ့ၥ့ၪအ့ၬ.

^၁၅ ယဟိဝၩယဲးထဲးယၡၩ အဆီၪ့ထီးအလူၬလၧယ ကျၩ,ကိၭကီၪ့ၦထၫ့ဒၩယၧၩ ဘဲၫၥိၭအမိမၩဂၭဂီၩ့ယ ၡၩဖိၪၥၪခွၫ, ယဟိဝၩယဲးလၩ့ယုဒၫအဖိၪမုၪဘဲၫၦယဲး စဘံၭၥၪအလးအၥိၭလီၫ.

^၁၆ ယမ့ၬထံၫလၩ့ လၧဆၧလဖၪနီၪအကၠီၩ့;ယမ့ၬၥၪ, ယမ့ၬထံၫယွၩလၩ့ဝ့ၫ, အဂဲးဘဲၫယီၩၦမၩမုၬထၪ့ထဲၩ့ ယၧၩ,ၦမၩခၧၫ့ထၪ့ယၥၭလဂၩနီၪ ယဲၩ့ဝ့ၫလၧယၧၩ လီၫ.ယဖိၪယလံၩအီၪယူဝ့ၫ, အဂဲးဘဲၫယီၩဆၧအ ဒုၪအဒၩမၩနၧၩ့မၪစၪဆၧလီၫ.

^၁၇ ဇံအိၫ့ယူၬထၪ့အစူၪတၭ, ဆၧမၩမုၬထၪ့ထဲၩ့အဝ့ၫ အီၪအ့ၬ. ယဟိဝၩမၪလူၬဆၧလၧစယၫကူၭအဒုၪအ ဒၩမိအီၪဝၬဖီၩ့ဝ့ၫလီၫ. ယရုစလံၫ့နီၪမၩအၥၭဘဲၫၦ မုၪလၧအလဆံၫ့ဘၪလၧအဝ့ၫၥံၪအကျၩလီၫ.

^၁၈ ယဟိဝၩနီၪတီၩဝ့ၫလီၩ့ဝ့ၫ; အဂဲးဘဲၫယီၩယပိၩ့ ထၪ့အဆၧမၪလူၬ; ၦခမျၧးထီးအလူၬၥံၪဧ့, ခိၭနၪလါ ဒဲယိယၥုၪ့ခိၥၭဝီၩဆံၭ. ယၡၩမုၪနၩ့ၥံၪ,ဒဲယၡၩဖိၪ ၥၪခွၫလဖၪလ့ၩကဲၪဎီးလီၫ.

^၁၉ ယကိၭယူၭၦလၧအအဲၪယၧၩလဖၪ, မွဲလါနၫ့အဝ့ၫ ၥံၪအၪ့လီၫန့ယၧၩလီၫ. ယၡၩလုဆၧလဖၪ, ဒဲယၡၩ ၥုၪ့က့ၭၥၭၡါလဖၪနီၪ လၧအအၪ့ဎၬဆၧအၪ့လၧဒိၩ့ ဖၧၩ့ဘဲၫၥိၭ အၥၭမိခၧၫ့ထၪ့အဘိၩ့ဘၭနီၪ, အၥၭမၧၫ့ စဲၪ့ထၪ့ခွံၬဝ့ၫဒၪလီၫ.

^၂၀ ယိလၩ့ဆံၭ, ယဟိဝၩဧ့,အဂဲးဘဲၫယီၩယဘၪဆၧ ခိဆၧဝီၩလီၫ. ယၥၭမုၬအ့ၬ, ယၥၭကဒံၩကဒၩလၧယ ဖၧၩ့လီၫ.အဂဲးဘဲၫယီၩယပိၩ့ထၪ့ဆၧနၭမၬလီၫ. လၧ ခီၫ့နီၪနၭၥံၪဖၩ့ၥံၪအဆၧၡၪ့ဆၧနၭအီၪဝ့ၫတၭ, လၧဂံၪ့ ဖၧၩ့နီၪဆၧၥံၫချဲၫ့အီၪထၪ့ဝ့ၫလီၫ.

^၂၁ အဝ့ၫၥံၪနါဂၧၫ့လၧယဂၪ့အုၩ့ဂၪ့ထိၬတၭ, ဆၧမၩ မုၬထၪ့ထဲၩ့ယၧၩအီၪအ့ၬ. ယဒုၪယဒၩထီးအလူၬ နါ ဂၧၫ့ဝ့ၫလၧယဘၪဆၧမၩအၧၩ့အဂဲးလီၫ. မွဲနမၩဆၧ နီၪအကၠီၩ့တၭ,ၥၭထိၬဝ့ၫလီၫ. မုလနံၩလၧနစံၭဝဲၩနီၪ မွဲအဂဲၫဘၪဘဲၫၥိၭအဝ့ၫၥံၪ မိမၩအၥၭဘဲၫယၧၩအၥိၭ နီၪဆံၭ.

^၂၂ မွဲအဆၧဒဲၩဘၭထီးအလူၬ ဂဲၫထၪ့လၧနမ့ၬယၫဆံၭ. တၭမၩအဝ့ၫဘဲၫနမၩယၧၩအၥိၭ လၧယဆၧမၪထီး အလူၬအကၠီၩ့နီၪဆံၭ. အဂဲးဘဲၫယီၩ ယဆၧဂၪ့အုၩ ဂၪ့ထိၬအီၪအၪလ့ၬတၭ, ယၥၭလၩ့ဆါဝ့ၫလီၫ.