JUDGES.

ၦယုဒၫဖိၪဒဲၦစံမအၧၫ့ဖိၪအဒီၪ့

ဖီၪ့န့စအဒိၫနဲၫဘံဇ့ၭ

^၁ တၭဆၧမၩအၥၭ လၧစယီရှုၫအ့ၫၥံၫဝ့ၫအလးခဲၫ့ နီၪ,ၦအံၫစရ့လၭဖိၪအၪ့စၪ့ယဟိဝၩတၭ, စံၭဝ့ၫဒၪ, မွဲပလၫမိဘၪလ့ၩထၪ့ထၫ့ဒၩဆိၫ ၦကၫနအၫ့ဖိၪလၧပ ဂးဘဲၫၥိၭအမိဒုၭၥုၭထၫ့ဒၩအဝ့ၫၥံၪလဂၩလဲၪ. ^၂ တၭ ယဟိဝၩစံၭဝ့ၫဒၪ, စယုဒၫမိဘၪလ့ၩထၪ့လီၫ. ယိခွါ, ယဖ့ၪလၫ့ယူၭ ထံၫၥံၪခးၥံၪ လၧအဝ့ၫဒၪ အစူၪဖၧၩ့ ယူၭ.

^၃ တၭစယုဒၫစံၭအထၧၫ့ဖုဝဲစစံမအၧၫ့နီၪ, ဂဲၫထၪ့ လၧယၥိၭလၧယဆၧဖၭန့အဖၧၩ့, ဘဲၫၥိၭပမိဒုၭၥုၭထၫ့ ဒၩၦကၫနအၫ့ဖိၪနီၪဆံၭ. တၭယဝ့ၫဒၪယီၩ ယမိလ့ၩ ဆၧလၧနၥိၭဆ့လၧနဆၧဖၭန့ဒၪနဝ့ၫအဖၧၩ့လီၫ. တၭ စစံမအၧၫ့လ့ၩထၪ့လၧအၥိၭလီၫ. ^၄ စယုဒၫလ့ၩထၪ့ တၭ,ယဟိဝၩဖ့ၪလၫ့ၦကၫနအၫ့ဖိၪ, ၦပံရ့ၭဖိၪလဖၪ နီၪလၧအစူၪဖၧၩ့တၭ, အဝ့ၫၥံၪဖ့ၬခွံၬဝ့ၫလၧဘံဇ့ၭအ ဖၧၩ့ၦၡၩလလၬလီၫ. ^၅ အဝ့ၫၥံၪဒၪန့စအဒိၫနဲၫဘံဇ့ၭ, လၧဘံဇ့ၭအဖၧၩ့တၭ, ဒုၭၥုၭထၫ့ဒၩဝ့ၫတၭ, ဖ့ၬခွံၬၦ ကၫနအၫ့ဖိၪ, ဒဲၦပံရ့ၭဖိၪလဖၪလီၫ. ^၆ အ့ၪမွဲစအဒိၫနဲၫ ဘံဇ့ၭနီၪစဲၪ့ဖျိၭဝ့ၫတၭ, အဝ့ၫၥံၪလီၩ့ဆီးဝ့ၫတၭ,ချုၭ န့ဝ့ၫတၭ,ဒၪ့ထ့ၬခွံၬအစူၪမုဒဲအခၪ့မုနီၪလီၫ. ^၇ တၭစအ ဒိၫနဲၫဘံဇ့ၭနီၪစံၭဝ့ၫဒၪ, စဎွၩနွ့ၫဆံၫလၧအစူၪမု ဒဲ အခၪ့မုဘၪဆၧဖ့ၬထၪ့ဝ့ၫနီၪ အၪ့ထုၫ့န့ဆၧလၧယစပွဲ အဖၫ့လၬလီၫ. ဘဲၫယမၩယူၭအၥိၭနီၪ, ယွၩဖ့ၪထဲၩ့ ယၧၩဘဲၫနီၪအၥိၭဆ့လီၫ. တၭအဝ့ၫၥံၪဂဲၫဆိၬအဝ့ၫ လၧယရုစလံၫ့တၭ, ၥံၫဝ့ၫထီးနီၪလီၫ.

ၦယုဒၫအဒီၪ့မၩနၧၩ့ဝံးယရုစလံၫ့ဒဲဝံးဟံဘြၧၫ့.

^၈ ၦယုဒၫဖိၪဒုၭဆၧထၫ့ဒၩ ယရုစလံၫ့ယူၭတၭ, မၩ န့ယူၭဝ့ၫဒဲဖ့ၬခွံၬဝ့ၫလၧနၭအနါတၭ, ဆူၭထၪ့ဒိၩ့နီၪလၧ မ့ၪလီၫ. ^၉ လၧခဲၫ့ထဲၩ့တၭ ၦယုဒၫဖိၪလ့ၩလၩ့ဒုၭဆၧ ထၫ့ဒၩၦကၫနအၫ့ဖိၪလၧ အအီၪလၧခိၪလီၩ့ထိၩ့ချိၬ,ဒဲ လၧမုခံၫ့လခီၫ, ဒဲလၧဆၧဒၩဖၧၩ့လီၫ. ^၁၀ တၭစယုဒၫလ့ၩ ထၪ့ထၫ့ဒၩၦကၫနအၫ့ဖိၪ လၧအအီၪလၧဟံဘြၧၫ့အ ဖၧၩ့ (လၧအၥၫ့နီၪဟံဘြၧၫ့အမံၩ့မွဲကၧၫယၭအၫဘၫ) တၭအဝ့ၫၥံၪဖ့ၬၥံၫခွံၬ စၡံၡဲၫ, ဒဲစအယဲမၫ့, ဒဲစတၫလ မ့ၫလီၫ. ^၁၁ အဝ့ၫဒၪစဲၪ့ထၪ့ခွံၬထီးနီၪ ထၫ့ဒၩၦဒံဘၧၫ ဖိၪတၭ, (လၧအၥၫ့နီၪဒံဘၧၫအမံၩ့မွဲကၧၫယၭစံဖၧၫ လီၫ.)

စအီၭ၁နံၫအ့လၭမၩနၧၩ့ဝံးဒံဘၧၫ.

(ရှုၫ ၁၅း၁၃-၁၉).

^၁၂ စကၫလ့ၭစံၭဝ့ၫဒၪ, ၦလၧအဖ့ၬကၧၫယၭစံဖၧၫဒဲ မၩန့ဝ့ၫလဂၩဂၩနီၪတၭ, ယမိဖ့ၪလၫ့အဝ့ၫလၧယဖိၪမုၪနးအၭစၫလၧအမၫအဂးလီၫ. ^၁၃ တၭစကၫလ့ၭအဖု စကံနၭအဖိၪခွၫစအီၭ၁နံၫအ့လၭနီၪ မၩန့ဝ့ၫတၭ,အ ဝ့ၫဒၪဖ့ၪလၫ့အဖိၪမုၪနးအၭစၫ လၧအမၫအဂးလီၫ.- ထီးၦမုၪနီၪဂဲၫလၧအအီၪတၭ ဆၧမၩအၥၭလၧအထိၪ ဂဲၩဝ့ၫ,ဘဲၫၥိၭအမိအၪ့ကံၩ့ အဖါဖ့ၪလၫ့ဂၪ့ခိၪအဝၩ့နး စီၪ့တၭ; မွဲအစဲၪ့လၩ့ခွံၬဝ့ၫ လၧအကၥ့ၪယီၩ့အလီၩ့ တၭ,စကၫလ့ၭစံၭဝ့ၫ, ဘၪနၥၭလၧဆၧနီၪလမံၩ့လဲၪ. ^{၁၄ ၁၅} တၭအဝ့ၫနီၪစံၭဝ့ၫ, ဖ့ၪလၫ့ယၧၩ လၧဆၧဆိၪဂ့ၩဆံၭ. အဂဲးဘဲၫယီၩ နဖ့ၪလၫ့ယူၭယၧၩ လၧဂၪ့ခိၪလၧမုခံၫ့ လခီၫယူၭ. ဖ့ၪလၫ့ယၧၩဆ့လၧထံၫထၪ့ဖျိၭလဖၪဆံၭ တၭစကၫလ့ၭဖ့ၪလၫ့ဝ့ၫ လၧထံၫထၪ့ဖျိၭ လၧထၭလ ခီၫ,ဒဲလၧထံၫထၪ့ဖျိၭလၧ လၬလခီၫလဖၪနီၪလီၫ.

ၦယုဒၫဖိၪဒဲၦဘံၪ့ယမံၫ့ဖိၪအဒီၪ့လဖၪ

အဆၧမၩနၧၩ့.

^၁၆ တၭၦကံၫ့နဲၭဖိၪ, စမိစ့ၭအမံၩ့ၡါလဂၩအဖိၪလ ဖၪ,စဲၪ့ထၪ့ခွံၬလၧၥံၪ့စီၩ့မလီၫ့အဒိၩ့ လၧၦယုဒၫဖိၪလ ဖၪအၥိၭ, လ့ၩဝ့ၫလၧယုဒၫအၡါမုနၧၫ့ဖၫလၧအအီၪ လၧအၫရၭအမုခံၫ့လခီၫတၭ, အဝ့ၫၥံၪလ့ၩအီၪဝ့ၫလၧ ၦခမျၧးအကျၩလီၫ.

^၁၇ စယုဒၫလ့ၩဝ့ၫလၧအထၧၫ့ဖုဝဲ စစံမအၧၫ့အၥိၭ တၭ,အဝ့ၫၥံၪနီၪ ဖ့ၬခွံၬၦကၫနအၫ့ဖိၪ လၧအအီၪဝ့ၫလၧ ဇံဖၭအဖၧၩ့တၭ, မၩဂၭဂီၩ့ဝ့ၫလူၬလီၫ. တၭဒိၩ့အမံၩ့မွဲ ဟီမၫလီၫ. ^၁၈ စယုဒၫမၩန့ဂၫဇၫဆ့ဒဲအနဲၩ့ထံၭ, ဒဲအၭ စလၧၫ့ဒဲအနဲၩ့ထံၭ, ဒဲအ့ကြၧၫ့ဒဲအနဲၩ့ထံၭနီၪလီၫ.- ^၁၉ ယဟိဝၩအီၪက့ၪဝ့ၫလၧ စယုဒၫအၥိၭတၭ, နၫ့ထၪ့ခွံၬ ၦခိၪလီၩ့ဖိၪလီၫ. အ့ၪမွဲလၧဆၧဒၩဖၧၩ့နီၪ နၫ့ထၪ့ခွံၬဝ့ၫ ၥ့ၪအ့ၬ. အဂဲးဘဲၫယီၩ အဝ့ၫၥံၪအီၪလၧအလဲၪ့ၥုၭထၭ လီၫ. ^၂၀ တၭအဝ့ၫၥံၪ ဖ့ၪလၫ့ဟံဘြၧၫ့ လၧစကၫလ့ၭ, ဘဲၫစမိစ့ၭစံၭဝ့ၫအၥိၭနီၪလီၫ. တၭအဝ့ၫဒၪနၫ့ထၪ့ခွံၬ စအၫနၭအဖိၪခွၫၥၧၫ့ဂၩလီၫ.

^၂၁ တၭၦဘံၪ့ယမံၫ့ဖိၪနၫ့ထၪ့ခွံၬ ၦယ့ဘုၫဖိၪလၧအ အီၪဝ့ၫလၧယရုစလံၫ့အဖၧၩ့အ့ၬ. အ့ၪမွဲၦယ့ဘုၫဖိၪ အီၪဝ့ၫလၧၦဘံၪ့ယမံၫ့ဖိၪၥံၪအကျၩ လၧယရုစလံၫ့အ ဖၧၩ့ခီးမုဆၫလနံၩယီၩလီၫ.

ၦအံဖြံၫ့ဖိၪဒဲၦမနၭစ့ၫဖိၪအဒီၪ့လဖၪ

မၩနၧၩ့ဘ့၁လၭ.

^၂၂ တၭစယိၥၭအၡၩဂံၪ့ဖိၪလ့ၩထၪ့ ထၫ့ဒၩဆ့ဘ့၁လၭ တၭ,ယဟိဝၩအီၪလၧအဝ့ၫၥံၪအၥိၭလီၫ. ^၂၃ တၭစယိ ၥၭအၡၩဂံၪ့ဖိၪအၪ့မၧၫ့လၩ့ ၦလ့ၩယိၥူၪဘ့၁လၭလီၫ. တၭလၧအၥၫ့ဒိၩ့နီၪအမံၩ့မွဲလုဇၭလီၫ.

^၂၄ ၦလ့ၩယိၥူၪဆၧလဖၪနီၪ ဒၪဘၪၦလဂၩဂဲၫထၪ့ လၧဒိၩ့ဖၧၩ့တၭ, အဝ့ၫၥံၪစံၭၦလဂၩနီၪ, ဒုၭနဲၪလါပၧၩ လၧဆၧလ့ၩနုၬလၧဒိၩ့ဖၧၩ့အလးနီၪဆံၭ; တၭပမိမၩ နၧၩလၧဆၧယၫ့ၥၭလီၫ. ^၂၅ အဝ့ၫလဂၩဒုၭနဲၪအဝ့ၫၥံၪ လၧဆၧလ့ၩနုၬလၧဒိၩ့ဖၧၩ့အလးတၭ, အဝ့ၫၥံၪဖ့ၬခွံၬ ဒိၩ့နီၪလၧနၭအနါလီၫ. အ့ၪမွဲၦလဂၩနီၪ, ဒဲအဂံၪ့ဒီၪ့ ဖိၪထီးအလူၬနီၪဖျါခွံၬဝ့ၫလီၫ. ^၂၆ တၭၦလဂၩနီၪလ့ၩ ဝ့ၫလၧၦဟံၥၭဖိၪအခးဖၧၩ့တၭ မၩကဲၪထၪ့ဒိၩ့လဒိၩ့ တၭကိၭဝ့ၫအမံၩ့လၧလုဇၭလီၫ. အနီၪမွဲအမံၩ့ခီးမု ဆၫလနံၩယီၩလီၫ.

ၦလဖၪလၧၦအံၫစရ?လၭဖိၪၥံၪ

လနၫ့စဲၪ့ထၪ့ခွံၬဘၪ.

^၂၇ တၭၦအီၪဝ့ၫလၧဘ့ၭ၁ၡံအၫ့ဒဲအတဝၫ့လဖၪ, တၫ အၫနၭဒဲအတဝၫ့လဖၪ, ဒဲၦအီၪလၧ ဒီၫဒဲအတဝၫ့လ ဖၪ,ဒဲၦအီၪလၧအံဘျံၫ့ ဒဲအတဝၫ့လဖၪ,ဒဲၦအီၪလၧမ ဂံၭဒိၫဒဲအတဝၫ့လဖၪ စမနၭစ့ၫနၫ့ထၪ့ခွံၬဝ့ၫဆ့အ့ၬ. တၭၦကၫနအၫ့ဖိၪအီၪဒၪဆၧလၧ ထံၫၥံၪခးၥံၪအဖၧၩ့ နီၪလီၫ. ^၂၈ ထီးအံၫစရ့လၭဆီၪ့ထၪ့တၭ, ဆၧမၩအၥၭ လၧအအၪ့မၧၫ့ ၦကၫနအၫ့ဖိၪၥံၪဖ့ၪ လၫ့အခီၫ့တၭ, နၫ့ထၪ့ခွံၬအဝ့ၫၥံၪတၡါအ့ၬ.

^၂၉ တၭစအံဖြံၫ့နၫ့ထၪ့ခွံၬ ၦကၫနအၫ့ဖိၪအီၪဝ့ၫလၧ ဂံဇၧၫအဖၧၩ့နီၪဆ့အ့ၬ. အ့ၪမွဲၦကၫနအၫ့ဖိၪအီၪဝ့ၫလၧ ဂံဇၧၫအဖၧၩ့ လၧအဝ့ၫၥံၪအကျၩလီၫ.

^၃၀ တၭစဇ့ၭဘလၧၫ့နၫ့ထၪ့ခွံၬ ၦအီၪဝ့ၫလၧကံတြၧၫ့ အဖၧၩ့,ဒဲၦအီၪဝ့ၫလၧနဟၫလလၭအဖၧၩ့ဆ့အ့ၬ. အ့ၪ မွဲၦကၫနအၫ့ဖိၪအီၪဝ့ၫလၧအကျၩတၭ ကဲၪထၪ့ၦဘၪ ဖ့ၪလၫ့အခီၫ့လီၫ.

^၃၁ ၦအီၪဝ့ၫလၧအၭကိၫအဖၧၩ့, ဒဲလၧဇဲဒၧၫ့အဖၧၩ့, ဒဲလၧအၫလၭအဖၧၩ့, ဒဲလၧအၭဇံၭအဖၧၩ့, ဒဲလၧဟ့ၫ လဘၫအဖၧၩ့, ဒဲလၧအၫဖၭအဖၧၩ့, ဒဲလၧရံဟီၭအ ဖၧၩ့နီၪ,စအၭၡၧၫနၫ့ထၪ့ခွံၬဝ့ၫဆ့အ့ၬ. ^၃၂ အ့ၪမွဲၦအၭ ၡၧၫဖိၪအီၪဝ့ၫလၧၦကၫနအၫ့ဖိၪ, ၦခးဖိၪအကျၩနီၪ လီၫ. အဂဲးဘဲၫယီၩ မွဲအနၫ့ထၪ့ခွံၬဝ့ၫအ့ၬ.

^၃၃ ၦအီၪဝ့ၫလၧဘ့ၭ၁ၡံမ့ၭအဖၧၩ့, ဒဲၦအီၪဝ့ၫလၧဘ့ၭ ၁နၭအဖၧၩ့နီၪ; စနၭ၁လဲၫနၫ့ထၪ့ခွံၬဆ့အ့ၬ. မွဲအအီၪ ဝ့ၫလၧၦကၫနအၫ့ဖိၪ, ၦခးဖိၪအကျၩနီၪလီၫ. မွဲလါနၫ့ ၦအီၪဝ့ၫလၧဘ့ၭ၁ၡံမ့ၭအဖၧၩ့, ဒဲၦအီၪဝ့ၫလၧဘ့ၭ၁နၭ အဖၧၩ့လဖၪနီၪ ကဲၪထၪ့ၦဖ့ၪလၫ့အခီၫ့ လၧအဝ့ၫၥံၪ အစူၪဖၧၩ့လီၫ.

^၃၄ တၭၦအၫမိၫဖိၪအၪ့မၧၫ့ဆီၪ့ ၦဒၫ့ဖိၪလ့ၩထၪ့လၧခိၪ လီၩ့ထိၩ့ချိၬအကျၩလီၫ. အဂဲးဘဲၫယီၩမွဲအဖ့ၪလၫ့အ ဝ့ၫၥံၪဂဲၫလၩ့လၧဆၧဒၩဖၧၩ့အ့ၬ.

^၃၅ အ့ၪမွဲၦအၫမိၫဖိၪ အီၪဒၪဆၧလၧခိၪလီၩ့ဟံရ့ၭလၧ အၭဇလၧၫ့အဖၧၩ့, ဒဲလၧၡအၫလဘံၫ့အဖၧၩ့လီၫ. မွဲ လါနၫ့စယိၥၭအၡၩဂံၪ့ဖိၪအစူၪ မၩနၧၩ့မၩစၪဝ့ၫတၭ, အဝ့ၫၥံၪကဲၪထၪ့ၦဖ့ၪလၫ့အခီၫ့လီၫ.

^၃၆ တၭၦအၫမိၫဖိၪအခးနဲၩ့ထံၭနီၪ အီၪဝ့ၫလၧဆၧဂဲၫ ထၪ့လၧအၭရဘံၫ့ လၧဒိၩ့စ့လၫ, ထၪ့ဝ့ၫလၧထၭလ ခီၫနီၪလီၫ.