J E R E M I A H.

စယ့ၫရမဲအၫ.

^၁  စဟံၫလကဲအၫအဖိၪခွၫ စယ့ၫရမဲအၫလၧၦလုဆၧ အကျၩ,လၧအအီၪဝ့ၫလၧအၫ့အၥီၭလၧခးဘံၪ့ယမံၫ့ အဖၧၩ့လဂၩအဆၧချဲၩ့; ^၂ အဝ့ၫဒၪနီၪယဟိဝၩအလူ လၩ့ဘၪဝ့ၫလၧယုဒၫအစဎွၩအၫမၧၫ့အဖိၪခွၫ စယိၫစံ အၫအမုနံၩလဖၪ လၧအကဲၪစဎွၩလဆံၫၥၧၫ့နံၪ့လနံၪ့ အဖၧၩ့နီၪလီၫ. ^၃ တၭဘၪဆ့ လၧယုဒၫအစဎွၩယိၫစံ အၫအဖိၪခွၫစယဟီအကံၫ့အမုနံၩလဖၪထီၩ့လၩ့လၧ ယုဒၫအစဎွၩ ယိၫစံအၫအဖိၪခွၫစဇ့ၭဒကဲအၫ အနံၪ့ လဆံၫလနံၪ့ထီၩ့လၩ့လၧဆၧဆိၬထၪ့ခွံၬ အၪ့မၧၫ့ဎီးၦ ယရုစလံၫ့ဖိၪလၧလၩယဲဘံၪ့လဘံၪ့အဖၧၩ့လီၫ.

ဆၧကိၭန့စယ့ၫရမဲအၫ.

^၄ ထီးနီၪလဖၧၫ့ ယဟိဝၩအလူလၩ့ဘၪယၧၩတၭ, စံၭဝ့ၫဒၪ, ^၅ လၧယလချုၭမၩကဲၪထၪ့ဒံၭဘၪနၧၩလၧ ဆၧဂူၭဖိၫ့ဖၧၩ့နီၪ, ယၥ့ၪယၫနၧၩ,ဒဲနလချုၭဂဲၫထၪ့ခွံၬ ဒံၭဘၪလၧဆၧဒၧၩ့လးဖၧၩ့နီၪ, ယအီၪက့ၪဆံၫ့ဎံၪနၧၩ လၧမီၪလဂၩလၧၦဆၨၩလဖၪအဂးလီၫ.

^၆ တၭယစံၭ,အၩလါ,ကဆါယဟိဝၩဧ့; ယချဲၩ့ဆၧ ၥ့ၪအ့ၬ,အဂဲးဘဲၫယီၩယမွဲဖိၪၥၪဒံၭလီၫ. ^၇ အ့ၪမွဲယဟိ ဝၩစံၭယၧၩ, ယမွဲဖိၪၥၪဒံၭနီၪ,ထီးစံၭလဂ့ၩ. အဂဲး ဘဲၫယီၩနမိဘၪလ့ၩလၧကယဲၦလၧယအၪ့မၧၫ့လၩ့န့ နၧၩအအီၪတၭ, နမိဘၪလီၩကယဲဆၧလၧယမၪလူၬ နၧၩကိၭအမံၩ့ဒ့ၭလီၫ. ^၈ ထီးၥၭမဲၪ အဝ့ၫၥံၪ အမ့ၬလ ဂ့ၩ,အဂဲးဘဲၫယီၩယအီၪလၧနၥိၭ ဘဲၫၥိၭယမိမၩဖီၩ့ ဖျ့ၭနၧၩ;ယဟိဝၩစံၭဝ့ၫဒၪ. ^၉ ထီးနီၪလဖၧၫ့ယဟိဝၩ ယူၬထၪ့အစူၪ,ထိၭဘၪယနိၭလီၫ. တၭယဟိဝၩစံၭ ယၧၩ,ယိခွါ,ယအီၪက့ၪယူၭယဆၧချဲၩ့ လၧနနိၭဖၧၩ့ ယူၭ. ^၁၀ ယိခွါ,ဆၧလၧမုဆၫလနံၩယီၩ, ယအီၪက့ၪ လၩ့နၧၩလၧၦဆၨၩလဖၪအဖၫ့ခိၪ, ဒဲလၧဘၩ့မုးလဖၪ အဖၫ့ခိၪ, ဘဲၫၥိၭနမိထ့ၭထၪ့ခွံၬဆၧ, ဒဲမၩလၩ့ဎီးဆၧ, ဒဲမၩဂၭဂီၩ့ဆၧ, ဒဲရိလၩ့ခွံၬဆၧ, ဘဲၫၥိၭနမိမၩထၪ့ ထဲၩ့ဆၧ,ဒဲၥုၪ့လၩ့ဖျၭလၩ့ဆၧလီၫ.

ဆၧဒၪဆၧလၧယၫနံၫမံၩ့.

^၁၁ လၧနီၪအမ့ၬယၫယဟိဝၩ အလူလၩ့ဘၪယၧၩတၭ, စံၭဝ့ၫဒၪ,စယ့ၫရမဲအၫဧ့,မွဲနဒၪဘၪဆၧနီၪလဲၪ. တၭ ယစံၭ,ယဒၪဘၪၥံၪ့ၡၩကၭထံၭအထဲၩ့လီၫ. ^၁၂ ထီးနီၪ လဖၧၫ့ယဟိဝၩစံၭယၧၩ, နဒၪဆၧဘၪယူၭ, အဂဲးဘဲၫ ယီၩယမိမၩလၧၫ့ထၪ့ဎွ့ၩထၪ့ယလူချဲၫ့ချဲၫ့လီၫ.

^၁၃ ယဟိဝၩအလူလၩ့ဘၪယၧၩနံၫဖၧၫ့လဖၧၫ့တၭ,စံၭ ဝ့ၫဒၪ,မွဲနဒၪဘၪဆၧနီၪလမံၩ့လဲၪ. တၭယစံၭ, ယဒၪ ဘၪဖၧၩ့လၬထၪ့တၭ, အမ့ၬအီၪတီၩလၧမုဖၩလခီၫ လီၫ. ^၁၄ ထီးနီၪလဖၧၫ့ယဟိဝၩစံၭယၧၩ, ဆၧအၧၩ့လၧ အမိဘၪၦၡၩထံၫဖိၪခးဖိၪထီးအလူၬနီၪ မိဂဲၫလၧမုဖၩ လခီၫနီၪလီၫ.

^၁၅ အဂဲးဘဲၫယီၩ,ယိခွါ, ယမိကိၭန့ဘၩ့ၥံၪမုးၥံၪလၧ မုဖၩအၡၩဂံၪ့ဒီၪ့ ထီးအလူၬနီၪ, ယဟိဝၩစံၭဝ့ၫဒၪ; အဝ့ၫၥံၪမိဂဲၫဝ့ၫ, မိအီၪက့ၪလဂၩလၧအလးဆီၩ့ဆီဒၪ ဝ့ၫ,လဂၩလၧအလးဆီၩ့ဆီဒၪဝ့ၫ, ထီးဆၧလ့ၩနုၬလၧ ယရုစလံၫ့အတရၫ့ဖၧၩ့, ဒဲလၧအထၫ့ဒၩအခိၪဒၧၩ့ဝၬ ဖီၩ့ဝ့ၫ,ဒဲထၫ့ဒၩယုဒၫအဒိၩ့ထီးအလူၬလီၫ. ^၁၆ ယမိစ့ၩ ရၫ့အခွး, ဒဲစ့ၩရၫ့စၪအဝ့ၫၥံၪ လၧအဆၧအၧၩ့ထီးအ လူၬအကၠီၩ့, လၧအစဲၪ့ဒၪယၧၩ,ဒဲဆူၭခဲၩဆၧနၧၫ့မၧၫ့ လၧယွၩအဂူၫဂၩလဖၪအဂး, ဒဲဘိၪ့ထၪ့ဘၩထၪ့ဆၧ လၧအဝ့ၫၥံၪအစူၪဒၪဝ့ၫတဲၩ့န့အကၠီၩ့နီၪလီၫ. ^၁၇ မၩအ ၥၭဘဲၫနီၪတၭ, နဝ့ၫဒၪယီၩခဲးထူၬနယးဒံၩ့,ဂဲထုၪ့တၭ, စံၭအဝ့ၫၥံၪလၧကယဲဆၧလၧယမၪလူၬနၧၩကိၭအမံၩ့ ဒ့ၭဆံၭ. ထီးၥၭမဲၪအဝ့ၫၥံၪအမ့ၬလဂ့ၩ. ဘၪလဘၪ ယမိမၩမဲဘၪခိၬနမ့ၬ လၧအဝ့ၫၥံၪအမ့ၬယၫလီၫ.- ^၁၈ အဂဲးဘဲၫယီၩ, ယိခွါ, ယဝ့ၫဒၪယီၩ, လၧမုဆၫလနံၩ ယီၩယအီၪက့ၪနၧၩ လၧဒိၩ့အီၪလၧအခိၪဒၧၩ့လဖျိၪ့, ဒဲထုၪ့ထၭလကုၭ, ဒဲအဒီၪ့ၥံၪထီးဘၩ့ထၫ့ဒၩခးထၧၫ့ ဘံၪ့ယၫ, ဒဲထၫ့ဒၩယုဒၫအစဎွၩ, ဒဲထၫ့ဒၩအၦဒိၪဖၭ ဒိၪလဖၪ,ထၫ့ဒၩအၡၩလုဆၧလဖၪ, ဒဲထၫ့ဒၩထံၫၥံၪ ခးၥံၪအၡၩခမျၧးလီၫ. ^၁၉ တၭအဝ့ၫၥံၪမိဒုၭဆၧထၫ့ဒုၪ ဒၩနၧၩ,အ့ၪမွဲအဝ့ၫၥံၪမိမၩစၪဘၪနၧၩအ့ၬ. အဂဲးဘဲၫ ယီၩယအီၪလၧနၥိၭဘဲၫၥိၭယမိမၩဖီၩ့ဖျ့ၭနၧၩ, ယဟိ ဝၩစံၭဝ့ၫဒၪ.