I S A I A H.

^၁  စအၫမူၭအဖိၪခွၫ စအဲၫစ့ယၫအဒၪဘၪဆၧလၧယၫ လခီၫနီၪ, လၧအဒၪဘၪလၧယုဒၫ, ဒဲယရုစလံၫ့အဂဲး အကၠီၪ့, လၧယုဒၫအစဎွၩၥံၪ, စအၧၭဇဲအၫ, ဒဲစယိၥၫ့, စအၫဟဇၭ, စဟ့ၭဇကဲအၫအမုနံၩလဖၪအဖၧၩ့လီၫ.

ယွၩအၪ့ၥီၪ့အၡၩလဆၨၩဆီၪ့ဆီၪ့လ့ၬ.

^၂ နါဂၧၫ့ဆံၭမူၭခိၪဧ့,ဒိၭနနါဆံၭ, ဂၪ့ခိၪဧ့! အဂဲး ဘဲၫယီၩယဟိဝၩချဲၩ့ဆၧလီၫ. ယဒုၭဒိၪထၪ့,ဒဲလုအၪ့ လုအီၩဖိၪခွၫလဖၪတၭ, အဝ့ၫၥံၪဒၪလ့ၬပိၩ့ထၪ့ယၧၩ လီၫ. ^၃ ချီဖၫၥ့ၪယၫအကဆါ, ဒဲကၥ့ၪယီၩ့ၥ့ၪယၫအက ဆါဒုၭအၪ့အဆၪအလးလီၫ. အ့ၪမွဲအံၫစရ့လၭၥ့ၪယၫ ဆၧအ့ၬ; ယၡၩခမျၧးၥံၪဆီၫ့မီၪ့ဝ့ၫအ့ၬ!

^၄ ၦဆၧဒဲၩဘၭ ဖိၪလဆၨၩဧ့,နၥံၪဘၪအၡၪ့လီၫ. ၦခမျၧးလၧအဘၪ ယိၭဆၧအၧၩ့ဆၧၥၫ့ဎၧၫ့; ၦမၩဆၧအၧၩ့အချံၫအၥၪ! ဖိၪလဖၪလၧအမၩစံၪစၪဆၧလီၫ. အဝ့ၫၥံၪစဲၪ့ဒၪခွံၬ ယဟိဝၩယူၭ; အဝ့ၫၥံၪမၩၥၭထၪ့ယူၭအံၫစရ့လၭအ ဆၧဆံၫ့ဎံၪလဂၩယူၭတၭ, ထဲၩ့ထဲၩ့ယူၭလၧအလးခဲၫ့ ယူၭ.

^၅ နၥံၪမိဘၪဆၧထးဒံၭနၥံၪ လၧအလးလစီၪ့စီၪ့လဲၪ. နၥံၪမိပိၩ့ထၪ့ဒံၭ ဆၧဒံၩ့အၪဒံၭလီၫ. ဆၧအခိၪဎွံၪနီၪ ဆၫဝ့ၫထၧၫ့ဖျိၪ့ယၫ; ဒဲဆၧအၥၭနီၪ လၩ့ဘဲၩဝ့ၫထၧၫ့ ဖျိၪ့ယၫလီၫ. ^၆ လၧအခၪ့ယၫၥၭဖိးလၧအခိၪဎွံၪနီၪဆၧ အလးအယၪဂ့ၩ အီၪလၧအဖၧၩ့အ့ၬ. မွဲဆၧဘၪဆ့ၭ အလး,ဆၧဖၧၩ့လးဒဲဆၧထးအဖၧၩ့လးနီၪလီၫ. ဘၪ ဆၧဆံထိၬဝ့ၫအ့ၬ, ဘၪဆၧဘီၪ့ဝ့ၫအ့ၬ. တၭဘၪဆၧ မၩဆါဝ့ၫလၧၥိၪၥံၪချၫၥံၪဆ့အ့ၬ. ^၇ နၥံၪအခးနီၪအီၪ ယူဝ့ၫ,နၥံၪဒိၩ့ၥံၪမ့ၪအၪ့ခွံၬဝ့ၫဒၪတၭ, နၥံၪအဂၪ့ခိၪ နီၪၦလခီၫဘၩ့မုးဖိၪအၪ့ခွံၬဝ့ၫ လၧနၥံၪအမ့ၬယၫတၭ, အီၪယူဝ့ၫဘဲၫၦလခီၫဘၩ့မုးဖိၪ မၩနၧၩ့မၩစၪဆၧအ ၥိၭနီၪလီၫ. ^၈ ဇံအိၫ့အဖိၪမုၪအီၪလၩ့ထး ဘဲၫတဲၩလ ဖျိၪ့လၧစဘံၭ အလးဖၧၩ့အၥိၭ, ဘဲၫကၠၩ့လဖျိၪ့လၧ ထံၩၥၪအလးဖၧၩ့အၥိၭ, ဘဲၫဒိၩ့လၧအဒုၪအဒၩ ဝၩ့ ထၬဝ့ၫအၥိၭလီၫ. ^၉ ၥုၭမုခမျၧးအယဟိဝၩအ့ၪလဒုၭ အီၪလၩ့ထးဘၪၦၡၩလၧဆၧလၩ့ထးလဆံၭတၭ, ပမိ မၩပၥၭဘဲၫစီဒၧၫ့, ပမိလၩ့ဂၬဂမိရၫနီၪလီၫ.

ခိၭနၪယဟိဝၩအလူဆံၭ; စီဒၧၫ့အၦဒိၪၥံၪဧ့,ဒိၭန့ ပယွၩအဆၧၥီၪ့ဆၧၥၫ့ဆံၭ, ဂမိရၫအၡၩခမျၧးၥံၪဧ့, ^{၁၀ ၁၁} နၥံၪလုထၪ့ယၧၩလၧဆၧအၪအၪလ့ၬနီၪ; မွဲဘၪလဲၪ, ယဟိဝၩစံၭဝ့ၫဒၪ ယဘျဲၩအၪ့လၧၥိၪဖၫအဆၧလုမ့ၪ, ဒဲဆၧဖိၪဆၧဎါအဘီၪအၥိၪလီၫ. တၭဘၪယၥၭလၧချီ ဖၫဒဲၥိၪဖိၪ, ဒဲဘ့ၪဖၫအၥွံၪအ့ၬ. ^၁၂ ထီးနၥံၪအ့ၪဂဲၫထၪ့ လၧယမ့ၬယၫ ဘဲၫၥိၭနၥံၪမိယဲးယဝၩ့ဖၧၩ့တၭ, မွဲပ လၫအၪ့ကံၩ့ဆၧနီၪလမံၩ့ လၧနၥံၪအစူၪဖၧၩ့လဂၩ လဲၪ. ^၁၃ ဂဲၫဆိၬလၧၩ့ဆၧမၩဘိၪ့ပျီၩပျီၩနီၪလဂ့ၩ, ဆၧ ဆူၭခဲၩနၧၫ့မၧၫ့နီၪမွဲဆၧၥၭလိၪလၧယဂးလီၫ. လၩၥံၫ အနံၩ,ဒဲမးၥံၫအနံၩ, ဒဲကိၭကီၪ့ဆၧနီၪ မွဲဘဲၫနီၪၥိၭ တၭ;ဆၧအၧၩ့ဆၧၥၫ့, ဒဲဘိၪ့ဆၧဘၩဆၧအဆၧအီၪ ကီၪ့နီၪယထိးကဲၪအ့ၬ. ^၁၄ နၥံၪအလၩၥံၫအနံၩ, ဒဲနၥံၪ ဖၭမုနံၩအဆၧအီၪကီၪ့နီၪ ယၥၭဂဲၫ့ယဝ့ၫတၭ, ကဲၪ ယူၭဆၧဎၧၫ့လၧယလီၩ့ယူၭတၭ, ယအွံၪယယိၭနီၪ, ဆၧပွံၭယၥၭယူၭ. ^၁၅ ထီးနၥံၪယူၬထၪ့နၥံၪအစူၪတၭ, ယမိအီၪက့ၪၥူၪခွံၬ ယမ့ၬၥၪလၧနၥံၪတၭ, ထီးနၥံၪမၩ အၪထၪ့နၥံၪအဆၧဘၩဆိၪဖၪတၭ, ယခိၭနၪအ့ၬ; န ၥံၪအစူၪဎွ့ၩဝ့ၫလၧဆၧၥွံၪလီၫ.

^၁၆ ၥူၫဝၭခွံၬနၥံၪအၥၭ, မၩဆံၫ့ထၪ့နၥံၪအၥၭ, နၥံၪမၩ ဆၧအအၧၩ့နီၪၥုၭခွံၬလၧယမ့ၬယၫဆံၭ; မၩလၧၩ့ဆၧ အၧၩ့လဂ့ၩ. ^၁၇ မၩလိၪမၩဆၧဂ့ၩဆံၭ. အၪ့ဎၬဆၧစ့ၩ ရၫ့တီၩ,မၩဆၧၩ့ ၦၡၩလၧအဘၪဆၧမၩအၧၩ့မၩနၭ ဝ့ၫ,စ့ၩရၫ့တီၩန့ၦဖိၪဎွ့ၪ, မၩဆၧၩ့ၦမုၪမဲၫဆံၭ. ^၁၈ ဂဲၫ ဘီၪ,ယဟိဝၩစံၭဝ့ၫဒၪ, မွဲပကိၪ့လိၬၡီၩ့ပၥၭဆံၭ. န ၥံၪအဆၧဒဲၩဘၭမွဲဘဲၫဆၧဝီၩယဲအၥိၭလါနၫ့တၭ, မိ ဘွၩထၪ့ဝ့ၫ ဘဲၫမူၭခိၪဖီၫအၥိၭနီၪလီၫ. အ့ၪဝီၩဘဲၫ ဆၧဝီၩလုၭဖုၭအၥိၭလါနၫ့တၭ, မိမၩအၥၭဘဲၫၥိၪအ ဆီၪ့အၥိၭလီၫ. ^၁၉ နၥံၪအၥၭအ့ၪအီၪ, ဒဲခိၭနၪဆၧတၭ, နၥံၪမိအၪ့ထံၫၥံၪခးၥံၪနီၪအဆၧဂ့ၩလီၫ. ^၂၀ အ့ၪမွဲနၥံၪ အ့ၪဂဲးလိၬတ့ၭလိၬ, ဒဲပိၩ့ထၪ့ဆၧတၭ, ဖၩ့ၥံၪနၭၥံၪမိ အၪ့ခွံၬနၥံၪလီၫ. အဂဲးဘဲၫယီၩယဟိဝၩအနိၭချဲၩ့ဆၧ နီၪလီၫ.

ဝံးလၧအဎွ့ၩဒဲဆၧဒဲၩဘၭ.

^၂၁ ဒိၩ့လၧအလူတီၩနီၪကဲၪထၪ့ယူၭ ၦမဲၩဎွဲၩမုၪမၬကၨ! လၧအၥၫ့ဎွ့ၩယူၭဝ့ၫလၧဆၧစ့ၩရၫ့တီၩ, ဆၧတီၩဆၧ လီၩ့အီၪဝဲၩလၧအဖၧၩ့ယူၭ; အ့ၪမွဲဘိၩ့နဲၪ့ယီၩ, ၦမၩ ၥံၫၦၡၩၥံၪလီၫ. ^၂၂ နစ့ၩကဲၪထၪ့အအ့ၪ, နစဘံၭထံၫနီၪ လဲၩဎုၬအၥၭလၧထံၫလီၫ. ^၂၃ နၦဒိၪဖၭဒိၪၥံၪမွဲၦလၧအ ပိၩ့ထၪ့ဆၧတၭ, ထၧၫ့ထံၩထၧၫ့ၥိၭလၧၦအၪ့ဂူၪအၪ့ ဘျၪဆၧ, အဲၪလၬဆီၪ့ကိၭအဂၩဒ့ၭတၭ, အၪ့ဎၬဆၧ ဖ့ၪလၫ့လီၫ. အဝ့ၫၥံၪစ့ၩရၫ့န့ၦဖိၪဎွ့ၪအ့ၬ ၦမုၪမဲၫအ ခွးနီၪဂဲၫဘၪလၧအအီၪဆ့အ့ၬ.

^၂၄ မၩအၥၭဘဲၫနီၪတၭ, ကဆါ, ဆၧၥုၭမုခမျၧးအယ ဟိဝၩအံၫစရ့လၭအဆၧဒိၪဆၧဆီၪ့လဂၩ စံၭဝ့ၫဒၪ, အၩလါ! ယမိမၩမုၬထၪ့ထဲၩ့ယၥၭ လၧၦထၫ့ဒုၪဒၩ ယၧၩတၭ, ယမိမၩဆၧၫ့ဆၧအၧၩ့ လၧယဒုၪယဒၩၥံၪ နီၪလီၫ. ^၂၅ ယမိကၠၪယစူၪလၧနအီၪတၭ,ယမိမၩဖံၪထၪ့ ခွံၬနစ့ၩအအ့ၪ, ဒဲမၩန့ခွံၬနၡၬထီးအလူၬ; ^၂၆ တၭယမိ ဒုၭအီၪထၪ့ထဲၩ့နၡၩစ့ၩရၫ့ဆၧ ဘဲၫလၧအဝံခိၪအၥိၭ နီၪ,ဒဲနၡၩဒုၭကိၪ့ဆၧဘဲၫလၧအခၪ့ထံၭ အၥိၭနီၪလီၫ. လၧခဲၫ့ထဲၩ့ဆၧမိကိၭနၧၩ လၧဆၧတီၩဆၧလီၩ့အဒိၩ့, ဒိၩ့လၧအလူတီၩလီၫ. ^၂၇ ဆၧမိဎွ့ၩန့ထဲၩ့ဇံအိၫ့လၧဆၧ စ့ၩရၫ့, အၡၩလၧအဂဲၫထဲၩ့လဖၪ လၧဆၧတီၩဆၧလီၩ့ လီၫ. ^၂၈ ၦမၩမၪဆၧဒဲၦဆၧဒဲၩဘၭဖိၪနီၪ မိထီၩ့လၧဆၧ ဂၭဂီၩ့လစီၪ့ဎးတၭ, ၦလၧအစဲၪ့ဒၪယဟိဝၩနီၪမိလူၬ ခွံၬဝ့ၫလီၫ. ^၂၉ အဂဲးဘဲၫယီၩ အဝ့ၫၥံၪအမ့ၬမိမဲလၧၥံၪ့ ထိၭဖၫၥံၪလၧနၥံၪဆိၫ့န့ဝ့ၫအကၠီၩ့တၭ, နၥံၪမိအီၪက့ၪ မဲနၥံၪအမ့ၬ လၧကျိၭၥံၪ လၧနၥံၪရွံန့ဝ့ၫ အကၠီၩ့နီၪ လီၫ. ^၃၀ အဂဲးဘဲၫယီၩ နၥံၪမိမၩနၥံၪအၥၭဘဲၫၥံၪ့ထိၭ ဖၫလထံၭ လၧအလၪလၩ့ယံၭအၥိၭ, ဒဲဘဲၫကျိၭလၧ ထံၫလအီၪဘၪလၧအဖၧၩ့အၥိၭနီၪလီၫ. ^၃၁ တၭၦအဂဲး ဆီၪ့နီၪမိကဲၪထၪ့ဘဲၫလူၪကၩ့အအ့ၪအၥိၭ, ဒဲအမၩ ဆၧဘဲၫမ့ၪဖီၫအၥိၭတၭ, မ့ၪမိအၪ့ခွံၬဝ့ၫလစီၪ့ဎးတၭ, ဆၧမိမၩလၩ့ဖံၬခွံၬဝ့ၫနးဂၩအ့ၬ.