H O S E A.

^၁  ယဟိဝၩ အလူလၩ့ဘၪစဘအံရဲၫအဖိၪခွၫစဟိၫ စံအၫလၧယုဒၫအစဎွၩလဖၪ, စအၧၭဇဲအၫ, စယိၥၫ့, စအၫဟဇၭ, ဒဲစဟ့ၭဇကဲအၫအမုနံၩလဖၪအထးဖၧၩ့, ဒဲလၧအံၫစရ့လၭအစဎွၩစယိအၭအဖိၪခွၫ, စယ့ၫရဘိ အၫ့အမုနံၩလဖၪအထးဖၧၩ့နီၪလီၫ.

^၂ ယဟိဝၩအလူလၩ့ဘၪဆိၫစဟိၫစံအၫ, ယဟိဝၩ စံၭစဟိၫစံအၫနီၪ,လ့ၩဘီၪ, မၩန့နမၫဘၪဆဲၫ့လၧဆၧလဲး ဆၧဘျၪ, ဒဲဆၧလဲးဆၧဘျၪအဖိၪလဖၪဆံၭ. အဂဲးဘဲၫ ယီၩခးနီၪလၩ့မုလၩ့ဖၭလၧယဟိဝၩတၭ, မၩဆၧလဲး ဆၧဘျၪဒိၪမၬလီၫ.

စဟိၫစံအၫအမၫဒဲအဖိၪလဖၪ.

^၃ အခိးမွဲအဝ့ၫဒၪလ့ၩဝ့ၫတၭ, မၩန့ဒ့ၭဘလ့အံၫ့အဖိၪ မုၪနးဂိမၧၫတၭ,အဝ့ၫနီၪဒၧၩ့ထၪ့တၭ, ဆီၫ့အီၪန့အဖိၪ ခွၫလၧအဝ့ၫအဂးလီၫ. ^၄ ယဟိဝၩစံၭအဝ့ၫ, ဖျိၬအမံၩ့ လၧယ့ၭ?စအ့လၭဆံၭ. အဂဲးဘဲၫယီၩ အီၪဒံၭလဆိဖိၪ တၭ,ယမိမၩဆၧၫ့ ဆၧလၧယ့ၭ?စအ့လၭ အၥွံၪအဂး လၧစယံဟုၫအဂံၪ့အဖၫ့ခိၪတၭ, ယမိဒုၭထုၬ အံၫစရ့ လၭအၡၩဂံၪ့ဖိၪအဘၩ့အမုးလီၫ. ^၅ ဆၧမၩအၥၭလၧ မုလနံၩနီၪ, လၧယမိဘိၭခါခွံၬ အံၫစရ့လၭအချံၪလၧ ယ့ၭ?စအ့လၭအခိၪလီၩ့ဆူၭဖၧၩ့လီၫ.

^၆ ၦမုၪနီၪဒၧၩ့ထၪ့ဒီၭတၭ, အီၪဖျဲၪန့ဒီၭအဖိၪမုၪလဂၩ လီၫ.ယဟိဝၩစံၭအဝ့ၫ, ဖျိၬအမံၩ့လၧလိၫရုၫဟၪမၫ ဆံၭ.အဂဲးဘဲၫယီၩ ယယၫ့ၥၭလၧၩ့အံၫစရ့လၭအၡၩ ဂံၪ့ဖိၪအ့ၬ. မွဲယမိဆိၬထၪ့ခွံၬ အဝ့ၫၥံၪလူၬထူၬဆံၫ့ဘၩ့ လီၫ. ^၇ အ့ၪမွဲယုဒၫအၡၩဂံၪ့ဖိၪနီၪ ယမိယၫ့ၥၭအဝ့ၫ ၥံၪတၭ, ယမိထိးထဲၩ့တၩ့ထဲၩ့အဝ့ၫၥံၪလၧယဟိဝၩအ ဝ့ၫၥံၪအယွၩတၭ; ယမိထိးထဲၩ့တၩ့ထဲၩ့အဝ့ၫၥံၪလၧ ချံၪ,လၧနၭ, လၧဆၧဒုၭၥုၭ,လၧကၥ့ၪ, လၧၦကၥ့ၪၥုၭ ဖိၪလဖၪနီၪမွဲအ့ၬ.

^၈ ထီးၦမုၪနီၪထုၭဖၭအနူ လၧနးလိၫရုၫဟၪမၫတၭ, ဒၧၩ့ထၪ့ဝ့ၫတၭ, အီၪဖျဲၪန့အဖိၪခွၫလဂၩလီၫ. ^၉ တၭ ယဟိဝၩစံၭဝ့ၫဒၪ, ဖျိၬအမံၩ့လၧလိၫအၫ့မဲၫဆံၭ.အဂဲး ဘဲၫယီၩ နၥံၪမွဲလၧၩ့ယၡၩခမျၧးအ့ၬ. ဒဲယကဲၪလၧၩ့ ဆၧလၧနၥံၪအဂးဆ့အ့ၬ.

ခးအံၫစရ?လၭမိဘၪဆၧအီၪက့ၪထဲၩ့လၧအလး.

^၁၀ လါနၫ့တၭ,ၦအံၫစရ့လၭဖိၪ မိမၩအၥၭဘဲၫ မၫ ဆမံၭအမ့ၭလဖၪ လၧၦတိၪ့ဝ့ၫလၥ့ၪဘၪ,ဒဲဝံထၪ့နၬထၪ့ လၥ့ၪဘၪအၥိၭနီၪတၭ, ဆၧမိမၩ အၥၭထီးအလး လၧဆၧစံၭအဝ့ၫၥံၪ, နၥံၪလမွဲလၧၩ့ ဘၪယၡၩခမျၧး နီၪ,ဆၧမိစံၭအဝ့ၫၥံၪ, နၥံၪမွဲယွၩလၧအမၧၫ့ဝ့ၫအ ဖိၪလီၫ. ^၁၁ ထီးနီၪလဖၧၫ့ၦယုဒၫဖိၪၥံၪ, ဒဲၦအံၫစရ့ လၭဖိၪၥံၪမိအီၪကိၩ့အီၪကီၪ့လစီၪ့ဎးတၭ, မိအီၪက့ၪ ဆၧအခိၪလဂၩဎး လၧအဂးဒၪဝ့ၫတၭ, မိဂဲၫထၪ့ လၧခးလဘံၪ့အဖၧၩ့နီၪလီၫ. အဂဲးဘဲၫယီၩ ယ့ၭ?စအ့ လၭအမုလနံၩနီၪမွဲအဒိၪလီၫ.