H A G G A I.

ယွၩအဆၧမၪလူၬလၧဆၧမိၥုၪ့ထၪ့ထဲၩ့ဆၧလုဂံၪ့.

^၁ လၧစဎွၩဒရဲအၧၭ အနံၪ့နံၫနံၪ့လနံၪ့, လၩဎူၫဘံၪ့ လဘံၪ့လၩထၪ့လနံၩနီၪ, ယဟိဝၩအလူလၩ့ဘၪယုဒၫ အခိၪစၡံၫအၫတအ့လၭ အဖိၪခွၫစဇရၧၭဘၫဘ့လၭ, ဒဲၦလုဆၧအခိၪစယီၭစဒ့ၭအဖိၪခွၫစယီၡူၫအ့ၫအအီၪ လၧစဟၭဂဲၫအစူၪဖၧၩ့တၭ,စံၭဝ့ၫဒၪ. ^၂ ဆၧၥုၭမုခမျၧး အယဟိဝၩစံၭဘဲၫယီၩ, အထီလၧၦမိမၩထၪ့ယဟိဝၩ အဂံၪ့နီၪဘၪဒံၭအ့ၬ, ၦခမျၧးယီၩစံၭဝ့ၫဒၪ.

တၭယဟိဝၩအလူလၩ့ဘၪ မီၪစဟၭဂဲၫ,စံၭဝ့ၫဒၪ. ^{၃ ၄} နၥံၪဝ့ၫနၥံၪအီၪလၧနၥံၪအဂံၪ့ၥံၪအီၪ လၧအဂံၪ့အခိၪ ဒၩတၭ,ဂံၪ့လဖျိၪ့ယီၩအီၪယူနီၪအထီဘၪဆ့ဧၪ. ^၅ ဘိၩ့ နဲၪ့ယီၩဆၧၥုၭမုခမျၧးအယဟိဝၩစံၭဘဲၫယီၩ, ယိဆီၫ့ မီၪ့နၥံၪအဖၧၩ့ၥုၪ့ဖၧၩ့ၥၭအဂဲးဆံၭ. ^၆ နၥံၪဎွံၪဆၧအၪ တၭ,ဂဲၫဆိၬနုၬဆၧအၡၩ, နၥံၪအၪ့ဆၧတၭအၪ့ကုၭ အီၩဎွ့ၩအ့ၬ. နၥံၪအီၩဆၧတၭဘျဲၩအီၩအ့ၬ. နၥံၪကီၩ့ နၥံၪၥိၭလါနၫ့, လၧၩ့နးဂၩအ့ၬ. ၦလၧအဒိၭအၪ့လံၩ့ အၥၭနီၪန့အလံၩ့အလဲၫတၭ, မၩန့အလံၩ့အလဲၫတၭ, မိဒူၭလၩ့ဝ့ၫလၧထိၪ့အဖိးအဖၧၩ့လီၫ.

^၇ ယဟိဝၩစံၭဘဲၫယီၩ, ယိဆီၫ့မီၪ့နၥံၪအဖၧၩ့ၥုၪ့ဖၧၩ့ ၥၭအဂဲးဆံၭ. ^၈ လ့ၩထၪ့လၧခိၪလီၩ့ထိၩ့ချိၬနီၪတၭ, ဂဲၫ ထဲၩ့ဆိၬၥံၪ့ၥံၪ ဒဲမၩထၪ့ဂံၪ့နီၪဆံၭ. ယမိမုၬလၩဆၧ လၧအဖၧၩ့တၭ, ယမိဒိၭဆၧလၩဆၧဖၩ့, ယဟိဝၩစံၭ ဝ့ၫဒၪ. ^၉ နၥံၪယိလါဆၧအၪအဖၧၩ့ၥၭတၭ, ယိခွါ,ဆၧ ဆံၭခိၬလီၫ. ထီးနၥံၪဂဲၫဆိၬ လၧဂံၪ့ဖၧၩ့တၭ, ယအူၪ ဒံၩခွံၬဝ့ၫဒၪလီၫ. မွဲဘၪလဲၪနီၪ,ဆၧၥုၭမုခမျၧးအယဟိ ဝၩစံၭဝ့ၫဒၪ. မွဲဝ့ၫလၧယဂံၪ့လၧအအီၪယူဝ့ၫအကၠီၩ့ တၭ,နၥံၪစဲၪ့လဂၩလၧအဂံၪ့ဒၪဝ့ၫ လဂၩလၧအဂံၪ့ဒၪ ဝ့ၫဆုၬဆုၬအကၠီၩ့လီၫ. ^၁၀ မၩအၥၭဘဲၫနီၪတၭ, မူၭခိၪ လဒုၭလၩ့ဘၪဆၩ့ထံၫနီၪ, မွဲလၧနၥံၪအကၠီၩ့, ဒဲဂၪ့ခိၪ လဒုၭၥၪထၪ့ဘၪဆၧနီၪ, မွဲလၧနၥံၪအကၠီၩ့လီၫ. ^၁၁ ယ ကိၭန့ယူၭဆၧဎဲၫ့ထၬလၧခးအဂး, ဒဲလၧခိၪလီၩ့ထိၩ့ ချိၬအဂး,ဒဲလၧဘုၪၥံၪဂူၫၥံၪအဂး, ဒဲလၧစဘံၭထံၫအ ၥၫ့အဂး, ဒဲလၧၥိၪၥံၪချၫၥံၪအဂး, ဒဲဆၧလၧဂၪ့ခိၪလၧ အဒုၭၥၪထၪ့ဆၧအဂး, ဒဲလၧၦၡၩအဂး, ဒဲလၧဆၧဖိၪ ဆၧဎါအဂး, ဒဲလၧၦအစူၪမၩဆၧထီးအလူၬအဂးယူၭ လီၫ.

ၦခမျၧးခိၭနၪယွၩအဆၧမၪလူၬ.

^၁၂ ထီးနီၪလဖၧၫ့ စၡံအၫတအ့လၭအဖိၪခွၫစဇရၧၭ ဘၫဘ့လၭ,ဒဲၦလုဆၧအခိၪ စယီၭစဒ့ၭအဖိၪခွၫစယီ ၡူၫအ့ၫ,ဒဲၦခမျၧးလၧအအီၪလၩ့ထး ထီးအလူၬနီၪခိၭ နၪယဟိဝၩ အဝ့ၫၥံၪအယွၩအလူ, ဒဲမီၪစဟၭဂဲၫအ လူဘဲၫယဟိဝၩအဝ့ၫၥံၪအယွၩ အၪ့မၧၫ့လၩ့အၥိၭ နီၪတၭ,ၦခမျၧးၥၭမဲၪဆၧ လၧယဟိဝၩ အမ့ၬယၫ လီၫ.

^၁၃ ထီးနီၪလဖၧၫ့ ယဟိဝၩအၥီၫ့စဟၭဂဲၫလီၩဘၪယ ဟိဝၩအလူလၧၦခမျၧးအဘိၩ့ဘၭနီၪတၭ, စံၭဝ့ၫ,ယ အီၪလၧနၥံၪအၥိၭ, ယဟိဝၩစံၭဝ့ၫဒၪ.

^၁၄ ယဟိဝၩထိၪဂဲၩယုဒၫအခိၪ စၡံၫဘၫတအ့လၭအ ဖိၪခွၫစဇရၧၭဘၫဘ့လၭအၥၭ, ဒဲၦလုဆၧအခိၪစယီၭ စဒ့ၭအဖိၪခွၫ စယီၡူၫအ့ၫအၥၭ, ဒဲၦခမျၧးလၧအအီၪ လၩ့ထးထီးအလူၬအၥၭတၭ, အဝ့ၫၥံၪဂဲၫဝ့ၫတၭ, မၩ ဆၧလၧဆၧၥုၭမုခမျၧး အယဟိဝၩအဝ့ၫၥံၪအယွၩအ ဂံၪ့ဖၧၩ့နီၪ, ^၁၅ လၧစဎွၩဒရဲအၧၭအနံၪ့နံၫနံၪ့လနံၪ့လၩ ဎူၫဘံၪ့လဘံၪ့ လၩထၪ့နံၫဆံၫလံနံၩလနံၩနီၪအဖၧၩ့ လီၫ.