II. S A M U E L.

စဒၫဝံၭၥ့ၪယၫဘၪစစီလူၫအဆၧၥံၫအဂဲး.

^၁ စစီလူၫၥံၫအလးခဲၫ့နီၪ ဆၧမၩအၥၭလၧစဒၫဝံၭဂဲၫ ထဲၩ့ထဲၩ့လၧအမၩၥံၫၦအၫမလ့ၭဖိၪတၭ, စဒၫဝံၭအီၪ ထးဝ့ၫလၧဇံလၭနံၫနံၩတၭ, ^၂ လၧၥၧၫ့နံၩလနံၩနီၪ, ယိခွါ,ဆၧမၩအၥၭ လၧၦလဂၩဂဲၫလၧစစီလူၫအၥုၭ မုအကျၩအီၪလၧအဆဲၫ့ယၬ, ဒဲဂၪ့ခိၪအမုၬအီၪဝ့ၫ လၧအခိၪဎွံၪလီၩ့တၭ, ဂဲၫဝ့ၫလၧစဒၫဝံၭ အအီၪတၭ, ဆၧမၩအၥၭလၧအထိၪထံၩဖါလၩ့အၥၭ လၧဂၪ့ခိၪ တၭ,ထွံၩလၩ့ဝ့ၫလီၫ. ^၃ စဒၫဝံၭစံၭအဝ့ၫ, နဂဲၫအထံၭ ခီၫခီၫလဲၪ. တၭအဝ့ၫဒၪစံၭဝ့ၫ, ယစဲၪ့ထၪ့ဖီၩ့ဖျ့ၭလၧ အံၫစရ့လၭအၥုၭမုၥုၪ့တဲၩအကျၩလီၫ. ^၄ တၭစဒၫဝံၭ စံၭဝ့ၫ,ဆၧမၩအၥၭဘဲၫၥ့ၪလဲၪ. လီၩဘၪလါယၧၩနး ထံၪဘီၪ.တၭအဝ့ၫစံၭဆၧၫ့ဝ့ၫ, ၦခမျၧးစဲၪ့ဖျိၭယူၭလၧ ဆၧဒုၭၥုၭအဖၧၩ့, ဒဲၦခမျၧးအၪဂၩလၩ့ထံၩဖါယူၭဆ့ တၭ,ၥံၫယူၭတၭ, စစီလူၫဒဲစစၪ့နၥၧၫ့ၥံၫဆ့ယူၭ.

^၅ တၭစဒၫဝံၭစံၭၦဖိၪၥၪခွၫ လၧအလီၩဘၪအဝ့ၫနီၪ, စစီလူၫဒဲအဖိၪခွၫစစၪ့နၥၧၫ့ၥံၫယူၭနီၪ, မွဲနၥ့ၪယၫဘဲၫ ၥ့ၪလဲၪ. ^၆ တၭၦဖိၪၥၪခွၫလၧအလီၩဘၪအဝ့ၫ, စံၭဝ့ၫ ဒၪ,ဘၪလၧယအီၪလၧခိၪလီၩ့ဂံၫလဘိအၫတၭ, ယိခွါ, စစီလူၫဒိၭနဲၩ့အၥၭလၧအဖၩ့လီၫ. တၭယိခွါ,လဲၪ့ၥုၭ, ဒဲၦကၥ့ၪၥုၭဖိၪလဖၪလီၩ့ဆီးချုၭန့အဝ့ၫလီၫ. ^၇ တၭ ထီးအယိဆၧလၧအလးခဲၫ့နီၪ, ဒၪဘၪယၧၩတၭ,ကိၭ န့ယၧၩနီၪ,ယစံၭဆၧၫ့ဆၧ, ယိခွါ,ယၧၩလီၫ. ^၈ တၭအ ဝ့ၫဒၪစံၭယၧၩ, နမွဲပလၫလဂၩလဲၪ. တၭယစံၭဆၧၫ့ အဝ့ၫ, ယမွဲၦအၫမလ့ၭဖိၪလဂၩလီၫ. ^၉ တၭစံၭဒီၭ ယၧၩ,ဆၧၫ့ထုၪ့လါလၧယလီၩ့တၭ, မၩၥံၫယၧၩဆံၭ, အဂဲးဘဲၫယီၩဆၧခိဆၧဝီၩဘၪယၧၩနၭမၬလီၫ. အဂဲး ဘဲၫယီၩယၥၭထၧၫ့ဖျိၪ့ယၫအီၪဒံၭ လၧယဖၧၩ့လီၫ.- ^၁၀ အခိးမွဲယဆၧၫ့ထုၪ့ လၧအလီၩ့တၭ, ယမၩၥံၫအဝ့ၫ လီၫ.အဂဲးဘဲၫယီၩ ယၥ့ၪယၫတၡါလၧအလၩ့ထံၩဖါ အလးခဲၫ့နီၪမၧၫ့ၥ့ၪအ့ၬ. တၭယမၩန့အ၁ရဖူၩ, လၧ အအီၪဝ့ၫလၧအခိၪဎွံၪ, ဒဲထဲၫ့ဎွံၪအီၪလၧအစူၪလီၩ့ တၭ,ယဂဲၫဆိၬဆၧနီၪ လၧယကဆါအအီၪထီးယီၩ လီၫ.

^၁၁ ထီးနီၪလဖၧၫ့စဒၫဝံၭ, ဖီၪ့အကီၩ့အၥိၭတၭၡၫ့ဝ့ၫ, ဒဲၦၡၩလၧအအီၪလၧအစူၪဖၧၩ့ထီးအလူၬ မၩဝ့ၫဘဲၫ နီၪၥိၭလီၫ. ^၁၂ အဝ့ၫၥံၪဒဲၩလၩ့အၥၭနၫၡါတၭဂၪ့ဝ့ၫ, ဒဲ ဒုၪဆၧအၪ့ဆၧအီၩထီၩ့လၩ့လၧ မုဂၪလၩ့လၧစစီလူၫ အကၠီၩ့,ဒဲလၧအဖိၪခွၫစစၪ့နၥၧၫ့အကၠီၩ့, ဒဲလၧယဟိ ဝၩအၡၩခမျၧးအကၠီၩ့, ဒဲလၧအံၫစရ့လၭအၡၩဂံၪ့ဖိၪ အကၠီၩ့လီၫ. အဂဲးဘဲၫယီၩအဝ့ၫၥံၪလၩ့ထံၩဖါဝ့ၫလၧ နၭလီၫ.

တၭစဒၫဝံၭစံၭ ၦဖိၪၥၪခွၫ လၧအလီၩဘၪအဝ့ၫနီၪ, မွဲနအီၪအထံၭခီၫခီၫလဲၪ. တၭအဝ့ၫဒၪစံၭဆၧၫ့ဝ့ၫ,ယ မွဲၦလခီၫဘၩ့မုးဖိၪ အဖိၪခွၫ, ၦအၫမလ့ၭဖိၪလီၫ. ^၁၃ တၭစဒၫဝံၭစံၭအဝ့ၫ, နယၩ့ထၪ့နစူၪမၩဂၭဂီၩ့ၦလၧ အမွဲယဟိဝၩအၡၩဒိၭဂုၪအၥၭနီၪ, မွဲနၥၭမဲၪအ့ၬဧၪ. ^{၁၄ ၁၅} စဒၫဝံၭကိၭန့ၦလဂၩ လၧၦဖိၪၥၪခွၫလဖၪအကျၩတၭ, စံၭဝ့ၫၥုၭဘူၭနၥၭ ဖ့ၬခွံၬအဝ့ၫနီၪဆံၭ. တၭအဝ့ၫဖ့ၬ ခွံၬဝ့ၫထီးအၥံၫလီၫ. ^၁၆ တၭစဒၫဝံၭစံၭဝ့ၫ, နၥွံၪအီၪလၧ နခိၪဒၪနဝ့ၫအလီၩ့လီၫ. အဂဲးဘဲၫယီၩနနိၭထိးအၥၭ ထၫ့ဒုၪဒၩနနၫ့ဆါတၭ, စံၭဝ့ၫ, ယမၩၥံၫခွံၬယဟိဝၩ အၡၩဒိၭဂုၪအၥၭယူၭ.

စဒၫဝံၭဂၪ့လၧစစီလူၫဒဲစစၪ့နၥၧၫ့အဂး.

^၁၇ တၭစဒၫဝံၭမၩဆၧၥၭအုၭအထၭခိၪ လၧစစီလူၫဒဲ အဖိၪခွၫစစၪ့နၥၧၫ့အကၠီၩ့နီၪလီၫ.

^၁၈ (တၭမၪလူၬဆၧၥီၪ့လိၪ ၦယုဒၫဖိၪလၧချံၪ [အထၭ ခိၪ]လီၫ. ယိခွါ, ဆၧကွ့ၭအၥၭ လၧလံၬ ယၫၡၧၫအ ဖၧၩ့လီၫ.).

^၁၉ အံၫစရ့လၭအဆၧဎံၫဆၧလၩဧ့, နၥံၫလၧနလးထၪ့ ထီၫ, ၦအဆီၪ့လၩ့ထံၩဖါဝ့ၫဘဲၫၥ့ၪလဲၪ!

^၂၀ လီၩဘၪဝ့ၫလၧဂၫၥၭအဖၧၩ့လဂ့ၩ.

ဒုၭဂၧၫ့ထၪ့ၥၩလၩ့ဆၧ လၧအၭၡကလၧၫ့ အဖၧၩ့ၥၭ လဖၪလဂ့ၩ.

ၦဖလံၡၫဖိၪ အဖိၪမုၪမိၥၭထိၬဘၪခိၬ;ၦလဒိၭဘၪ ဆၧကူၭတရံၭအဖိၪမုၪ မိၥုၪ့ဎွံၫၥၭယီၫ ဘၪခိၬလီၫ.

^၂၁ ဂံၫလဘိအၫအခိၪလီၩ့ၥံၪဧ့,ဆၩ့ထံၫမွဲဂ့ၩ, ဆၧဆၧၩ့မွဲဂ့ၩ, ဂၪ့ခိၪအဝၩ့လဖၪအီၪ လၧဆၧၥၪဆိၫမွဲဂ့ၩ, မွဲအထီးအီၪ လၧနၥံၪအလီၩ့ လဂ့ၩ.

မွဲဆၧခွံၬၡိၭ ၦအဆီၪ့အထၩ့ဖံၭ လဘံၪ့ထီးနီၪအဂဲး, စစီလူၫအထၩ့ဖံၭနီၪ ဘၪဆၧဂုၪဝ့ၫလၧၥိၪအ့ၬ.

^၂၂ လၧၦဘၪဆၧမၩၥံၫဝ့ၫအၥွံၪ,လၧၦအဆီၪ့အၥိၪနီၪ,စစၪ့နၥၧၫ့အချံၪကၠၪထဲၩ့အၥၭအ့ၬ.

ဒဲစစီလူၫအနၭဂဲၫထဲၩ့ပျီၩဘၪအ့ၬ.

^၂၃ တၭစစီလူၫဒဲစစၪ့နၥၧၫ့,မွဲၦလၧဆၧအဲၪဝ့ၫ, ဒဲၦယိဝ့ၫမုၬ လၧအမၧၫ့ဒံၭတၭ, လၧအၥံၫနီၪလၩ့ဖၭဘၪဝ့ၫအ့ၬ.

အဝ့ၫၥံၪချဲၫ့နဲၪ့ဒံၭလံၬ ကျီၫ့ကျီၫ့ၥံၪ,အဂဲးအဘၭဆီၪ့နဲၪ့ဆၬလၥၧၫ့ဒံၭလီၫ.

^၂၄ အံၫစရ့လၭအဖိၪမုၪၥံၪဧ့, ဂၪ့လၧစစီလူၫအကၠီၩ့ၦ လၧအဒုၭၥိၭနၥံၪလၧဆၧဝီၩ, ဒဲဆၧကယၧၩ့ကယီၫ, ၦလၧအကယၧၩ့ကယီၫ နၥံၪဒုၭကီၩ့ ဒုၭၥိၭနၥံၪလၧ ထီၫ့ၥံၪလွ့ၫၥံၪ, ^၂၅ ၦလၧအဆီၪ့လဖၪနီၪ လၩ့ထံၩဖါလၧဆၧဒုၭၥုၭအ ကျၩဘဲၫၥ့ၪလဲၪ!

စစၪ့နၥၧၫ့ဧ့, နဘၪဆၧမၩၥံၫနၧၩလၧနလးထၪ့ထီၫ!

^၂၆ ဆၧၡၪ့ဘၪယၧၩ လၧနကၠီၩ့, ယထၧၫ့ဖုဝဲစစၪ့န ၥၧၫ့ဧ့,နမွဲဆၧမုၬလၩလၧယဂးမုၬမုၬလ့ၬ;နအဲၪယၧၩယီၩလၩ့လၭမၬကၨ,ဒိၪနဲၪ့ၦမုၪအဆၧအဲၪဒံၭလီၫ.

^၂၇ ၦအဆီၪ့လၩ့ထံၩဖါဘဲၫၥ့ၪလဲၪ!

တၭဆၧဒုၭၥုၭအစူၪဝဲၩဂၭဂီၩ့ဘဲၫၥ့ၪလဲၪ!