III. J O H N

^၁ ၦၥၭၡါယၧၩယီၩ, ယစံၭၦလၧအဘၪဆဲၫ့ ဆၧအဲၪ ဝ့ၫစဂ့အၧၭ, လၧယအဲၪယဝ့ၫလၧဆၧမွဲဆၧတီၩအဖၧၩ့ လီၫ. ^၂ ၦၥၭဘီၩ့လဂၩဧ့, လၧဆၧထီးအလူၬအဖၫ့ခိၪ နီၪ, ယအၪ့ကံၩ့ဘၩဆိၪဖၪ လၧနမိဘီၪထၪ့ယီၫထၪ့, ဒဲအီၪဆီၪ့မၩကဲၪ, ဘဲၫနၥၭၡီၩ့ကဲၪထၪ့ကဲၪထီၫအၥိၭ နီၪလီၫ.

^၃ ထီးထၧၫ့ဖုဝဲလဖၪဂဲၫထိးအၥၭ လၧနဆၧမွဲဆၧတီၩ အဂဲးအကၠီၪ့ ဘဲၫနလ့ၩဆၧလၧဆၧမွဲဆၧတီၩအဖၧၩ့ အၥိၭနီၪ *၂ယီ.၄. တၭ, ယၥၭထိၬဒိၪမၬလီၫ. ^၄ ယနါဂၧၫ့လၧ ယဖိၪယလံၩလ့ၩ ဆၧလၧဆၧမွဲဆၧတီၩအဖၧၩ့တၭ, ယဆၧၥၭထိၬဒိၪနဲၪ့အနီၪအီၪ * ဒီၩ့.၂၃;၂၄ . အ့ၬ.

စဂ့အၧၭဘၪဆၧစံၭထၪ့အၪ့အူၭဝ့ၫ.

^၅ ၦၥၭဘီၩ့လဂၩဧ့, ဆၧလၧနမၩထၧၫ့ဖုဝဲ,ဒဲၦမွံၩလ ဖၪနီၪ,နမၩတီၩ * ၁ပံ.၄;၁ ဝ. လီၫ. ^၆ နဆၧအဲၪဆၧကွံၩအဂဲးအကၠီၪ့ နီၪ,အဝ့ၫၥံၪထိးအၥၭလၧဆၧအီၪကီၪ့အမ့ၬယၫ * ဆၧ.၁၅;၃ . တၭ, အ့ၪနလ့ၩၥိၫ့အဝ့ၫဘဲၫအဂ့ၩဘၪဆဲၫ့လၧယွၩတၭ,နမိ မၩဆၧဂ့ၩလီၫ. ^၇ အဂဲးဘဲၫယီၩ အဝ့ၫၥံၪလ့ၩဆၧလၧ အဝ့ၫဒၪအမံၩ့ အကၠီၩ့ * ၁ကီ.၉;၁၅ ,၁၈. တၭ, မၩန့ၦဆၨၩလဖၪအ ဆၧနးမံၩ့အ့ၬ. ^၈ မၩအၥၭဘဲၫနီၪတၭ, ဂ့ၩလၧပထိး ဆၧၫ့ၦမၩဝ့ၫဘဲၫနီၪလဖၪ, ဘဲၫၥိၭပမိကဲၪထၪ့ * မၭ.၁၀;၄ ဝ. ၦမၩ ဎုၬဆၧလၧဆၧမွဲဆၧတီၩ အဖၧၩ့လီၫ.

စဒဲၫအတြံဖံၭဒဲစဒမံတြအၧၭ.

^၉ ယကွ့ၭဆၧအီၪကီၪ့, အ့ၪမွဲစဒဲၫအတြံဖံၭ လဂၩနီၪ ဆၧမိကဲၪဘၪအၥၭအခိၪ * မၭ.၂၃;၄-၈ . ၁ထံ.၆;၃ ,၄. လၧအဝ့ၫၥံၪ အကျၩတၭ, ထိးဆၧၫ့ပၧၩအ့ၬ. ^၁၀ မွဲဘဲၫနီၪတၭ, ယလ့ၩအ့ၪထီၩ့ခိၬ တၭ, မွဲအချဲၩ့ၥူၪဂဲၩထၫ့ဒုၪဒၩပၧၩ * ဒီၩ့.၁၀;၈ ,၁ဝ. လၧဆၧချဲၩ့ အ အၧၩ့နီၪ, ယမိဒုၭနၪ့ထၪ့ထဲၩ့ အဆၧမၩလၧအမၩဝ့ၫ လီၫ. အၥၭလမံၫ့ဒံၭဘၪလၧဆၧလဖၪနီၪတၭ, အနၫ့ ဆါလထိးဆၧၫ့ဘၪ အထၧၫ့ဖုဝဲလဖၪနီၪ လကၭလၧၩ့ တၭ, ၦလၧဆၧမိထိးဆၧၫ့ဘၪအၥၭ လၧအဝ့ၫၥံၪနီၪ,မွဲ အမၩထံၬထၬဝ့ၫတၭ, နၫ့ထၪ့ခွံၬဝ့ၫ * အဲၫ.၆၆;၅ . လၧဆၧအီၪကီၪ့ အကျၩလီၫ.

^၁၁ ၦၥၭဘီၩ့လဂၩဧ့, ထီးမၩဒီၩ့ဆၧအၧၩ့ * အၪ့.၃၇;၂၇ . လဂ့ၩ. အ့ၪမွဲဆၧအဂ့ၩနီၪမၩဒီၩ့အဝ့ၫဆံၭ. ၦလၧအမၩဆၧ ဂ့ၩနီၪဘၪဆဲၫ့ * ၁ယီ.၃;၆ ,၉. လၧယွၩ,အ့ၪမွဲၦလၧအမၩဆၧအၧၩ့ နီၪဒၪဘၪယွၩအ့ၬ. ^၁၂ ၦၡၩၥံၪကိၭဂၩဒ့ၭ ဒဲဆၧမွဲဆၧ တီၩဆ့ထိးအၥၭ လၧဆၧအဂ့ၩ, လၧစဒမံတြအၧၭအ ဂး,ဒဲပဝ့ၫဒၪယီၩ ပထိးပၥၭဆ့တၭ, နၥံၪၥ့ၪယၫလၧ ဆၧလၧပထိးပၥၭနီၪ မွဲဆၧမွဲဆၧတီၩလီၫ.

ဆၧချဲၩ့ဆိၫ့ဂ့ၩဆိၫ့ဘွၩလၧခဲၫ့ထုၬ.

^၁၃ ယကွ့ၭဆၧအဂဲးအကၠီၪ့ အီၪအၪမံၩ့ လါနၫ့ဘိၩ, ဆၧမိကွ့ၭဘၪယၥၭ လၧၥံထံၫ, ဒဲနိၪကွ့ၭအ့ၬ. ^၁၄ အ့ၪ မွဲယယိလါ လၧယမိဒၪဘၪနၧၩ ချဲၫ့ချဲၫ့တၭ, ချဲၩ့ၡီၩ့ လိၬပၥၭလၧမ့ၬခီၫမ့ၬလီၫ. မွဲဆၧဘၪလိၬအိၭလိၬ အီၪ လၧနၧၩဆံၭ. ပထံၩပၥိၭချဲၩ့ဒုၪ့နၧၩလီၫ. ဆၧအထံၩ အၥိၭ လၧနအီၪနီၪ ကိၭထၪ့အမံၩ့ ချဲၩ့ဒုၪ့အဝ့ၫၥံၪ ဆံၭ.