၁ ဆၧလၧအအီၪဝ့ၫ လၧအခၪ့ထံၭလၧအၥၫ့ * လၧပနါ ဂၧၫ့ဘၪယူၭပဝ့ၫ, လၧပဒၪဘၪလၧ * ပမ့ၬၥၪ,လၧပယိ ပဝ့ၫ,ဒဲလၧပဖီၪ့ဘၪ လၧပစူၪ * ဘၪဆဲၫ့လၧဆၧမၧၫ့အ လူ, ၂ (တၭဆၧမၧၫ့နီၪဖျီၪထၪ့ယူၭ ဒဲဆၧမၧၫ့အဆိၩအ ကၠၪလၧအအီၪဝ့ၫ လၧဖါအၥိၭ, ဒဲဖျီၪထၪ့ဝ့ၫလၧပၧၩ နီၪ * ပဒၪဘၪယူၭတၭ, ပထိးပၥၭတၭ, ပလီၩဘၪနၥံၪ လီၫ.) ၃ ဆၧလၧပဒၪဘၪယူၭ, ဒဲပနါဂၧၫ့ဘၪယူၭနီၪ,ပ လီၩဘၪနၥံၪ, ဘဲၫၥိၭနၥံၪမိဖံၭၥိၭလိၬနၥံၪအၥၭလၧပ ၥိၭလီၫ. ပဝ့ၫဒၪယီၩပဖံၭၥိၭလိၬပၥၭ * လၧဖါဒဲအဖိၪ ခွၫယ့ၫရှူၬဎရံၬနီၪလီၫ. ၄ ဆၧယီၩလဖၪပကွ့ၭန့နၥံၪ ဘဲၫၥိၭနၥံၪအဆၧၥၭထိၬမိလၧၫ့ထၪ့ဎွ့ၩထၪ့ * ဝ့ၫလီၫ.
၅ တၭဆၧလီၩလၩ့လၬလၩ့ လၧပနါဂၧၫ့ဘၪယူၭလၧ အဝ့ၫနီၪ, ပလီၩဘၪထဲၩ့နၥံၪ မွဲအယီၩ, ယွၩမွဲဆၧဖၩ့ တၭ, ဆၧခံၭအီၪလၧအဖၧၩ့နးဆံၭ * အ့ၬ. ၆ ပအ့ၪစံၭ လၧပဖံၭၥိၭလိၬပၥၭ လၧအဝ့ၫနီၪတၭ, လ့ၩဆၧလၧ ဆၧခံၭကျၩနီၪ, မွဲပချဲၩ့ဘျံၭချဲၩ့ဘျၪဆၧတၭ, ပလမၩ ဘၪဆၧအမွဲအတီၩလီၫ. ၇ ပအ့ၪလ့ၩဆၧလၧဆၧဖၩ့ အကျၩ, ဘဲၫအဝ့ၫလဂၩအီၪဝ့ၫ * လၧဆၧဖၩ့အကျၩအ ၥိၭနီၪ, ပဖံၭၥိၭလိၬပၥၭဆုၬဆုၬတၭ, မွဲအဖိၪခွၫယ့ၫ ရှူၬဎရံၬအၥွံၪနီၪ ၥူၫဝၭဆံၫ့ခွံၬပၧၩ * လၧပဆၧဒဲၩဘၭ ထီးအလူၬလီၫ. ၈ ထီးပအ့ၪစံၭလၧပဆၧဒဲၩဘၭလအီၪ ဘၪတၭ, မွဲပအၪ့လီၫလၩ့ပၥၭ, ဒဲဆၧမွဲဆၧတီၩအီၪ လၧပဖၧၩ့ * အ့ၬ. ၉ ပအ့ၪလီၩလၩ့ပဆၧဒဲၩဘၭနီၪ, အ ဝ့ၫဒၪအလူတီၩဝ့ၫဘဲၫၥိၭအမိမၩဖီၩ့မၩဖျ့ၭ * ပဆၧ ဒဲၩဘၭ, ဒဲၥူၫဝၭဆံၫ့ခွံၬပၧၩလၧကယဲဆၧအၧၩ့ဆၧၥၫ့ ထီးအလူၬ * လီၫ. ၁၀ ပအ့ၪစံၭလၧပလမၩဘၪဆၧဒဲၩ ဘၭတၭ, မွဲပအီၪက့ၪအဝ့ၫနီၪ လၧၦချဲၩ့ဘျံၭချဲၩ့ဘျၪ ဆၧတၭ, အလူအထၫ အီၪလၧပဖၧၩ့အ့ၬ.
